Markaðsátak

 Held hér áfram með ÁrsskýrslunaSett var  upp myndarlegt kynningarefni í allar búðir hinn 7. janúar síðast liðinn  með bleikju og almennt efni um Ísland.  Veggspjöld með myndum af  fiskvinnslufólki á Íslandi voru sett upp á áberandi stöðum sem og uppskriftar bæklingar með nánari upplýsingum um eldið sem er það fyrsta í heiminum  sem nær þeim áfanga að uppfylla öll skilyrði um hreinleika og gæði, ásamt umhverfisþáttum sem WFM hefur sett sér. WFM  fékk  vottunarstofu frá Sviss, sem sérhæfir sig í gæðavottun matvæla, til að vinna verkið samkvæmt ströngustu stöðlum sem þekkjast um fiskeldi.Talið er að  að jafnaði sæki um 3000  manns hverja búð WFM daglega, en  þær eru opnar sjö daga í viku og því koma  um 25-30 milljónir  efnaðra viðskiptavina búðanna í snertingu við Ísland og afurðir þess á kynningartímanum. Gerð var skoðarakönnun í öllum verslunum WFM um verkefnið. Niðurstaða hennar leiddi til þess að ákveðið var að halda kynningunni áfram í að   a.m.k sjö vikur eða fram yfir miðjan mars.  Þetta tilefni gefur okkur einstakt tækifæri til að koma afurðum okkar fyrr inn í allar búðir en áður hafði verið áætlað, enda að þessu unnið í samvinnu við aðalbækistöðvar verslananna, þannig að allar boðleiðir styttast, en undir aðalbækistöðvunum starfa svo svæðadeildir fyrirtækisins sem eru níu og á hverju svæði að meðaltali um 30 búðir.Auk þess fáum fá nú íslenskir framleiðendur meiri möguleika til að koma  kynningarefni  á framfæri í landsfjölmiðlunum (Nation Wide)  þegar  afurðir okkar fást um landið allt.  Þá fáum við væntanlega tækifæri til að komast inn á heimsíðu WFM, sem er mikið heimsótt, svo sem með bleikjuverkefnið og er að því mikill ávinningur fyrir afurðirnar.

Dreifing ferskra matvæla

 Markmiðið hefur verið að koma afurðum okkar í allar 280 verslanir WFM, í langflestum fylkjum Bandaríkjanna. Hingað til hefur markaðsstarfið hafist á svokölluðu Mid Atlantic svæði, en þar eru 34 verslanir. Síðan hefur verið sótt inn á Boston og nágrenni og svo til New York og nágrennis. Það eru því nú þegar komnar um 90 verslanir sem selja okkar afurðir undir merkjum Sjálfbærs Íslands.Þá hafa verslanir WFM í Suðurríkjunum, Flórida og Kaliforníu einnig selt afurðir okkar eftir því sem birgðir endast. Þessi svæði eru öll mjög ánægð með þá reynslu sem þau hafa af viðskiptum við íslensk fyrirtæki og verður því fljótlega unnt að senda afurðir þangað.Nú þegar svo árar, sem stendur í fjármálaumhverfi hins vestræna heims, hefur undirritaður unnið að því að kanna hvort ekki sé hægt að flýta þeirri áætlun að koma öllum afurðum okkar til allra svæða í Bandaríkjunum þar sem WFM er starfandi. Í síðustu viku júnímánaðar var efnt til kynningar á eldisbleikju frá Samherja og í samvinnu við Fiskval. Kynningin stóð yfir í 6 daga og fengnir voru fimm matreiðslumeistarar frá Íslandi til að heimsækja 23 verslanir WFM í Washington borg og nágrenni á þessum dögum. Auk þess var efnt til mikillar matarkynningar á árlegum hátíðarkvöldverði samtaka veitingahúsa í Washington, þar sem boðið var upp á bleikju í forrétt, osta, lambakjöt í aðalrétt og skyr eftirrétt með íslensku súkkulaði.Er skemmst frá því að segja að vel tókst til. Í verslununum elduðu matreiðslumeistararnir  bleikju í íslensku smjöri og gáfu að smakka osta, skyr og súkkulaði. Bleikjan vakti mikla athygli og seldust um 5 tonn á þessum dögum, sem var áttföldun á sölu miðað við meðalviku fram að kynningunni. Þetta varð til þess að yfirmenn WFM, sem sjá um fisk og aðrar sjávarafurðir,  fengu mikinn áhuga á að gera enn betur og kanna hvort okkur tækist að koma bleikjunni í allar verslanir WFM um landið allt. Þetta hefur nú gengið eftir og er unnið að þessu  í samvinnu við aðalbækistöðvar WFM í Austin í Texas.  

Afurðir sem þegar eru seldar

 Þær afurðir frá Íslandi sem nú eru seldar í WFM, eru auk lambakjöts, sem einungis enn sem komið er, selt í sláturtíð á haustin: Skyr, fjórar bragðtegundir, vanilla, bláberja, jarðarberja og hreint. Þá eru seldir ostarnir Höfðingi og Stóri Dímon en aðeins í 34 verslunum, smjör í 250 gr. pakkningum, saltað og ósaltað. Þá hefur WFM einnig keypt smjör í stærri einingum, sem  notaðar eru í bakarí fyrirtækisins og í eldhús sem framleiða tilbúna rétti. Einnig  er selt súkkulaði frá Nóa, fjórar tegundir árið um kring sem og páskaegg og jólakonfekt. Hvað lambakjötið varðar hefur verið unnið að því að selja einnig fryst kjöt árið um kring til veitingahúsa og er nú komið að því að dreifingarfyrirtæki sem sérhæfir sig í þjónustu á því sviði er tilbúið til að skoða þann möguleika.Auk þessa hefur tekist að selja  ferskan fisk, línufisk og eldisfisk og er hann einnig seldur undir merkjum Sustainable Iceland og hefur fiskveiðistjórnunarkerfi landsins verið kynnt fyrir starfsmönnum verslananna. Áform hefur í samvinnu við fiskvinnslufyrirtækið Fiskval sem er hluti af Icelandic, Sölumiðstöð Hraðfrystihúsanna hefur lagt grunn að markaðsstarfi og gert markaðstilraunir til að selja íslenskan fisk beint til neytenda sem tekist hefur vel. Nú stendur til að hefja öfluga sókn á þessum markaði og verður hafist handa við það fyrri hluta árs 2009. Byggist sú markaðssókn á því að fiskurinn verði vottaður frá sjómanni til neytanda með sérstökum hætti og verður þetta í fyrsta sinn í veröldinni sem það verður gert. Í tengslum við það þróunarstarf, sem gert er ráð fyrir að taki um 9-12 mánuði, verður lögð sérstök áhersla á fiskveiðistjórnunarkerfi Íslands, lög um stjórnun veiða, sem tók gildi árið 1983 og er það fyrsta sinnar tegundar í heiminum. Þá verður auk þess kynnt nýtt umhverfismerki sem Sjávarútvegs- og landbúnaðarráðherra hefur staðfest.

Ársskýrsla Áforms

Hef nú verið nokkuð slakur við blog færslur uppá síðkastið. En einn af samstarfsmönnum mínum benti mér á að ég ætti að birta ársskýrslu verkefnis þess sem ég vinn að og lögð var fram í vor hér á bloginu.

Ég ætla nú að gera það, enda ekkert sjálfsagaðara og kannski sjá fleiri en ég tækifæri fyrir okkur sem felast í þeim samböndum sem skapast hafa á liðnum árum og þá ekki síst með það í huga hversu þörfin fyrir erlendan gjaldeyri er mikil fyrir þjóðarbúið og gengi gjaldmiðla hagstætt fyrir útflutning.

En þá kemur hér fyrsti hlutinn og svo skipti ég skýrslunni í minni kafla á næstunni:

Á liðnum árum hefur verið unnið markvisst og náið með verslunarkeðjunni Whole Foods Markets (WFM) í Bandaríkjunumvið að kynna og selja íslenskar afurðir sem uppfylla skilyrði um sjálfbæra framleiðsluhætti, hollustu, dýravernd, hreinleika og gæði.Þetta samstarf hófst með sölu á lambakjöti á haustmánuðum, ferskt í sláturtíð. Í sambandi við verkefnið var tekið á móti fulltrúum verslunarkeðjunnar, farið í réttir og tækifærið nýtt til að kynna aðrar íslenskar afurðir, enda ávallt haft að leiðarljósi að allar afurðir yrðu seldar undir sama vörumerki, “Sustainable Iceland” (Sjálfbært Ísland) og það tryggt að fá vottun samkvæmt stöðlum WFM, þar að lútandi. Fyrirtækið WFM er vel þekkt í matvælageiranum,  einkum fyrir að selja einungis gæðamatvæli sem framleidd eru í sátt við umhverfið og náttúruna og innihalda ekki  aðskotaefni, sem talin eru geta haft slæm áhrif á heilsufar fólks.Það hefur farið varlega af stað og af  öryggi  með hverja vörutegund. Þannig hefur náðst  stöðugleiki, traust og gagnkvæm þekking starfsfólks í viðskiptum við íslensk fyrirtæki, og lágmarks markaðskostnaður sem er hlutfallslega hár í viðskiptum í Bandaríkjunum vegna þeirrar gríðarlegu samkeppni sem ríkir á markaðnum.Til enn lengri tíma litið  hefur verið stefnt að því, þegar framleiðslugeta takmarkar frekari vöxt, að skoða hvort og þá með hvaða hætti íslensk sérþekking geti nýst til samstarfs á grundvelli framleiðsluleyfa í Bandaríkjunum, og þá með þátttöku íslenskra framleiðenda. Sem dæmi má hugsa sér að þegar og ef það tekst að fullnýta íslenska kúastofninn til framleiðslu á skyri, smjöri og ostum megi hugsanlega framleiða svipaðar afurðir úr bandarískri mjólk án þess að það skaði hið sanna íslenska skyr. Enda sé tryggt að íslenski bóndinn  njóti ávinnings af sinni eigin framleiðslu áður en lagt verði af stað með eftirlíkingar.

Því ekki?

Ánægjulegt að sjá þessa hugmynd. Evran er hvort eð er allt of hátt skráð og sem stendur er dollarinn eini trausti gjaldmiðillinn, þrátt fyrir allt. Verður það þangað til Kínverjar krefjast nýja alheimsgengisins sem verður innan tíðar.

SUS: Vilja Bandaríkjadal á Íslandi

Matreiðslumeistarar frá Bandaríkjunum

Við félagarnir Siggi Hall og ég fórum til New York í síðustu viku til að hitta þá matreiðslumeistara sem óskað hafa eftir að komast á Food and Fun dagana 18 til 22 mars. Það var mjög ánægjulegt að finna fyrir því hjá þeim sem við hittum hvað jákvætt orðspor hátíðarinnar hefur vaxið.

Þeir meistarar sem við höfum nú hitt  eru allt mjög flinkir og vel þekktir í sínu fagi og hlakka til að koma heim til landsins fagra. Við vonumst til að koma þeim í heimsóknir til bænda og sjómanna á meðan á dvölinni stendur, þannig að þeir kynnist hráefninu að eigin raun. Við heimsóttum staði einsog Tribeca Grill sem er í eigum margar þekktra leikara svosem Robert De Niro, Shaun Penn, Bill Murrey of fleiri. Heimsóttum líka Brasserie og 8.5 Brasseri, Oceana, Asia DeCuba, Hudson Valley Fois Gras, Aquvavit, Ringo og BoBo. ´

Allt mjög fínir staðir og nú erum við að vinna með kokkunum við að koma þeim heim með Icelandair. Sumir eiga ekki heimangengt í ár en koma heim á næsta ári í staðinn. Þeir staðir sem eiga fulltrúa á Food and Fun í ár og eru í New York munu skuldbinda sig til að taka þátt í Íslandsdögum sem stendur til að halda í borginni í vor.

Þá eigum við einnig von á einhverjum mesta snilling matreiðslunnar sem dómara og síðan kemur yfirkokkurinn á Four Seasons hótelinu í Boston, Eric Ziebold frá Mandarin Oriental hótelinu, sem er kokkur ársins á Mið Atlantshafssvæðinu og jafnfram James Beard sigurvegari. Þetta verða allt topp menn og svo er einnig um kokkana frá Evrópu sem eru nú að ganga frá staðfestingu.

Eitt er þó alveg víst að það verður enginn svikinn af Food and Fun í ár frekar en fyrri ár og veitingastaðirnir í Reykjavík leggja mikinn metnað í þetta verkefni og bjóða 4 rétta máltíð á afar hagstæðu verði, sem aldrei fyrr. Það er því von okkar sem að þessum viðburði stöndum að sem allra flestir fái tækifæri til að njóta hátíðarinnar.

 

Fólk getur fylgst með heimasíðu hátíðarinnar sem verður nú uppfærð reglulega á næstu vikum en hún er:

www.foodandfun.is

 

Food and Fun að bresta á

Nú fer að líða að næstu Food and Fun hátíð en hún fer fram í Reykjavík dagana 18 til 22 mars. Vegna ýmissa örðugleika var ákveðið að fresta hátíðinni um einn mánuð en hún hefur ávallt farið fram síðustu helgina í febrúar.

Þetta er í áttunda sinn sem hátíðin er haldin og verða nú fleiri veitingastaðir með í hátíðinni en undanfarin ár. Hátíðin hefur frá fyrsta ári tekist vel og hefur almenningur á Íslandi slegið skjaldborg um hátíðina. Á síðasta ári er talið að um 18000 manns hafi notafært sér það einstaka tækifæri að fara út að borða og gera sér glaðan dag fyrri sanngjarnt verð. Það má til gamans geta þess að fyrsta árið sem hátíðin var haldin þá kostaði fjögura rétta máltíð í dollurum $ 50, í fyrra kostaði hún $ 110 og í ár 2009 ca. $ 50.

Hátíðin hefur nú fest sig í sessi meðal úrvals matreiðslumeistara um allan heim og hefur vakið athygli. Hátíðin er gott markaðsverkfæri fyrir íslensk fyrirtæki sem selja matvæli á erlendum mörkuðum og hafa fyrirtækin notfært sér hana til að bjóða viðskiptavinum og fjölmiðlafólki á hátína. Lögð hefur verið mikil áhersla á að kynna íslenskt hráefni fyrir matreiðslumönnunum sem heimsækja og taka þátt í hátíðinni.

Þá hefur það líka verið tilgangur með hátíðinni að vekja athygli okkar sjálfra á gæðum íslensks hráefnis og endalausum matreiðslumöguleikum sem hinir erlendu gestir njóta að kynna fyrir okkur. Framlegðaráhrifin af hátíðinni hafa svo verið nýtt til þess að selja og kynna íslenskan mat í úrvals veitingahúsum einkum í Bandaríkjunum og er nú unnið að því að efna til Íslandsdaga í New York, Boston og Washington á þessu ári.

Þannig er staðið að þessum dögum að íslenskir matreiðslumeistarar verða "Gesta Kokkar" á fínum veitingastöðum í viðkomandi borgum á kvöldin. Kynna fjögurra rétta máltíð á stöðunum og gefa svo fólki að smakka íslenskan mat í verslunum á daginn. Veitingastaðirnir og verslanirnar boða til blaðamannafunda í aðdraganda þessara daga og styðja okkur við markaðssetningu matvælanna og einnig er landið okkar kynnt fyrir ferðamönnum.

Þegar Food and Fun var haldin í fyrsta sinn árið 2002 var ástand í heiminum afar slæmt og menn enn ekki búnir að jafna sig á hryðjuverka árásunum í Bandaríkjunum 11 september 2001. Ferðaþjónustan var að hruni komin og fjölmörg flugfélög hættu ferðum. Þá var Food and Fun kærkomin hátíð til að snúa vörn í sókn. Nú átta árum síðar er Food and Fun aftur kærkomin því efnahagsástand heimsins er alveg að lama viðskiptalífið.  Það hefur því reynst vel að fá úrvals matreiðslumeistara til að koma á hátíðina og vona ég svo sannarlega að fólk geti notið hátíðarinnar.

Hátíð sem Food and Fun er tekur tíma að festa sig í sessi enda aðeins haldin einu sinni á ári. En við finnum það núna á viðhorfi fólks að hátíðin nýtur nú vinsemdar og virðingar meðal almennings á Íslandi og ekki síður meðal virtra matreiðslumeistara sem borið hafa hróður keppninnar um allan hinn vestræna heims.

Kjarni málsins

Mikið er ánægjulegt að sjá þessa frétt. Það virkar nefnilega þannig núna að Evran er auk þess að gefa talsvert eftir gagnvart dollar, þrátt fyrir miklar efnhagsþrengingar í Bandaríkjunum. Mér sýnist hún, Evran, hafa lækkað um 35% á síðustu rúmum 6 mánuðum og margir hér í Bandaríkjunum spá því að fyrir árslok muni hún verða svipuð og dollarinn.

Það er líka orðið tímabært að hætta umræðum um Evrópusamband og gjaldmiðil. Við erum ekki á leið inní Evrópu á næstu amk 5 árum og krónan er eina verkfærið sem við höfum til að koma okkur út úr þessum erfiðleikum sem við nú stöndum frammi fyrir.

Það sem skiptir mestu máli finnst mér núna er að tryggja að þau 93% íbúa sem hafa vinnu í dag haldi henni, og að þeir sem misst hafa vinnuna á allra síðustu mánuðum fá sem flestir vinnu. Þegar sá áfangi hefur náðst þá þarf að semja um skuldir. Til að tryggja stöðuga atvinnu mætti til dæmis hugsa sér að gefa atvinnurekendum sem geta boðið ný störf á næstu tveimur árum skattafslátt fyrir hvert starf. Það er betra en atvinnuleysisstyrkir. Meiri sæmd og virðing.

Svo þarf að slá skjaldborg um krónuna, því hún ein er í boði. Það verður að tryggja að úflutningsgreinarnar verði áfram sá grunnur sem við byggjum afkomu okkar á. Þannig munum við verða vel samkeppnishæf á erlendum kaupendamörkuðum og efla ferðaþjónustuna.

Það sem líklega hefur farið verst með okkur á síðustu árum var hvað krónan var alltof hátt skráð eða menn héldu henni hárri með markaðslögmálunum. Ég hallast að því að pylsu gengið sé rétta gengið. Ein pylsa í pylsuvagni í Bandaríkjunum hefur kostað $ 2 eins lengi og ég man eftir og kostar líklega núna um kr. 240 í pylsuvagninum? Veit það ekki alveg. En ef pylsugegnið væri notað þá ætti pylsan samkvæmt gengi dagsins í dag að vera kr. 225.

Það sem skiptir fólk, manneskjuna, ( homo sapiens mestu máli er að hafa eitthvað fyrir stafni. Hafa eitthvað til að vinna að og vinna við og vera stolt og ábyrg sem þjóðfélagsþegnar. Nú er að forgangsraða og verða meðal fyrstu þjóða til að komast aftur á rétta braut.

Við getum það alveg, við höfum áður lent í kröppum dansi.  Það mun enginn leysa vandann fyrir okkur það eru allar þjóðir heims að hugsa um sig og sinn hag og eiga fullt í fangi með það. Það er engin Marshall hjálp í boði.

 

Evran hefði gert illt verra

Icelandair og hipparnir

Gaman að sjá hverning Woodstock lifir með fólki enn þann dag í dag. Fyrir 40 árum þótti enginn maður með mönnum ef hann hafði ekki flogið með " Hippieaiirlie", Icelandic til Evrópu, "to discover Europe."

Ég hitti enn fólk sem upplifði þessa tíma, þegar flugið tók 8 tíma til Íslands. Þar stoppaði fólk stundum í einn sólarhring og fékk gistingu og morgunmat fyrir $ 30. Flugið yfir hafið frá Ameríku til Luxemborgar kostaði $ 189 fram og til baka.

 Það var mjög gaman að fljúga með Icelandic á þessum tíma. Mikið stuð í vélunum og allir í góðu skapi þrátt fyrir ömurlegt efnahagsástand um allan heim. Stúdentaóeirðir í París, erfitt stríð geysaði í Víetnam og mikið atvinnuleysi í Evrópu og Ameríku. En uppúr þessu ástandi kom nýtt mat á lífsgæðum. Þá voru orðin blóm, friður, ást. kærleikur og vinátta orðin og athafnirnar, sem réttu þjóðir heims af úr mikilli kreppu. Vona að svipað verði uppá teningnum á næstunni, því það sem er jú mest virði í lífinu er lífið sjálft.

 Mér finndist það vera góð hugmynd hjá Icelandair að hefja nú til vegs og virðingar hina góðu hippa tíma og fylgja eftir þeirri þekkingu á Íslandi og Hippaflugfélaginu sem fólk frá hippatímanum man. Nú eru svokallaðir "Baby Boomers" taldir vera um 70 milljónir,  eiga peninga, hafa tíma aflögu og njóta þess að ferðast.  Félagið ætti nú að bjóða ferðir í tilefni 40 ára afmælis Woodstock yfir hafið. Bjóða ömmum og öfum að taka nú baranabörnin með sér og riðfja upp gamla góða tíma.

Félagið ætti að sýna Woodstock myndina í vélunum og bjóða uppá minjagripi frá þessum tímum. Ég sé það nú hér í Washington að það er að verða vart hippa tískunnar. Meira að segja barnaföt eru nú komin á markað með hippa myndum og það á eftir að aukast verulega áhugi á þessum góðu tímum.

 Icelandair á mikið inni hjá þessu fólki sem á bara góðar minningar frá þessum tímum. Icelandair var fyrsta lágfragjaldafélagið í heiminum. Félagið byggir á löngum, traustum grunni og nýtur velvildar. Félagið eignaðist fyrstu fluvélina með því að bjarga henni af Vatnajökli, ef ég man rétt. og borgaði bandaríksa hernum $1 fyrir hana.

Þetta gæti vakið athygli á Icelandair og ekki síst náttúruperlunni Íslandi. Æ þetta er bara hugmynd, kannski ekkert góð en má alltaf reyna.........Þessir tímar núna minna mig mjög á hippa árin.

Að lokum má ég til með að segja litla sögu frá flugi sem ég flaug með Loftleiðum árið 1968. Ég var staddur í eldhúsi vélar á leið vestur um haf til New York. Spjallaði aðeins við flugstjórann um daginn og veginn enda var opið frammí. Vélin var troðfull af fólki einsog alltaf var. Mikið um drykkju og reykt amk í örðuhvoru sæti. Þá kom ein flugfreyjan og sagði hvað sér finndist vera vond lykt af þessum sígarettum sem fólkið var að reykja. Þetta hlytu að vera þessar frönsku sígarettur í bláu pökkunum?

Ég sagði henni þá að þessi lykt væri af hassi eða grasi. Úps! sagði hún, " ég er nú ekki hissa á því hvað mér líður alltaf vel í þessu Ameríkuflugi"

 

 

Afmæli Woodstock í Berlín?

Til hamingju

Kæru Mogga vinir, fyrrum samstarfsmenn og aðrir aðstandendur Moggans okkar, til hamingju með Óskarinn! Megi gæfa og genig fylgja ykkur á þessum víðsjárverðu tímum, sláum sklajdborg um Moggann! Oft var þörf en nú er nausyn, lifi Mogginn.

Þórsmörk kaupir Árvakur