Gerði tilraun

Einsog kemur fram í fréttinni þá var enginn stjónarandstæðingur samþykkur þessum tillögum. Obama reyndi allt hvað hann gat til að ná samtöðu þingmanna en án árangurs. Vandmál heimsins í dag er u langt yfir pólítík hafin. Það að menn séu að sjá fyrir sér að aðgerðir takist ekki og geti orðið þeim til framdráttar við næstu kosningar er mikið ábyrgðarleysi, hvar sem menn búa á byggðu bóli.

Trilljónir á trilljónir ofan

Þessi aðgerðaráætlun sem Obama samþykkti í gær er sú eina sem komið hefur fram frá nokkurri þjóð síðan efnahagshrunið varð. Þetta er umdeild áætlun sem er nú ekki skrítið. En er þó áætlun sem vonandi leiðir til þess að menn nái tökum á samfélögnum sem urðu fyrir barðinu á taumlausri græðgisstefnu fjármála heimsins á síðustu árum.

Á meðan erum við enn að leita að sökudólgum. Maður veltir því fyrir sér hvaða tilgang það hefur að vera að ræða, núna, um að krónan sé ónýt og við eigum bara að ganga í Evrópusambandið og þá sé málið leyst. Bara svona ýta á "enter" og málið dautt?

Staðreyndin er sú að eina verkfærið sem við höfum er krónan. Það er ekkert annað í boði. Gæti hún verið hún sem bjargar okkur hraðar út úr vandanum en öðrum þjóðum. Það skyldi þó aldrei vera. Hversvegna erum við svo að eyða dýrmætum tíma í að ræða Evrópusambandsaðild sem er ekki á dagskrá fyrr en efti nokkur ár. Ekki bjargar það okkur í dag. Vandinn er í dag.

Það kæmi mér ekki á óvart að þegar að því  kemur að efnahagsstyrkur okkar verður meiri og við stöndum frammi fyrir þeirri, að mínu mati, eðlilegu spurningu um aðild að Evrópusambandinu verði það ekki sama Evrópusamband og það er í dag. Held að forsendur þess verði orðnar aðrar. Held meira að segja að gegi Evrunnar eigi eftir að lækka gagnvart dollar verulega strax á þessu ári.

Með krónuna stadda þar sem hún er núna, aukast verulega líkur á því að jafnvægi náist. Við vitum það öll að hún vara alltof hátt skráð. Spurning er hversvegna, það var jú vegna þess að markaðurinn sýndi þennan styrk. Kannski var það bara blekking. Núna er að nást hagstæður vöruskiptajöfnuður í hverjum mánuði. Okkar verðmæti munu ávallt byggjast á útflutningi náttúrlegara auðlinda svosem matvæla, orku og landsins sjálfs sem ferðamannalands. Til að tryggja það að viðhalda stöðugri eftirspurn eftir okkar afurðum er króna  verkfærið sem leggur grunninn.

Ég er ekki á móti Evrópusambandinu veit hinsvegar ekki hvað það hefur uppá að bjóða. Er heldur ekki svo forstokkaður að ég vilji halda krónunni bara krónunnar vegna. Þetta eru bara staðreyndir sem við stöndum frammi fyrir og verðum að notfæra.

Ég hef óbilandi trú á að við komumst út úr þessum vanda. Til þess þarf að forgangsraða málum þar sem fókið í landinu er haft í fyrirrúmi. Atvinna næg og heimilin haldi reisn sinni. Með því að "handstýra" krónunni í takmarkaðan tíma má sjá fyrir sér viðsnúning fljótlega. Vextina þarf svo að lækka sem fyrst til að fyrirtækin haldi lífi og störfum fólksins.

Hvað með að gefa fyritækjum sem útvega ný störf á næstu tveimur árum skatta afslátt fyrir hvert nýtt starf? Það er betra en að greiða fólki atvinnuleysisbætur. Hvað með að hækka skattleysismörkin og hagræða í skattkerfinu með jöfnun virðisaukaskatts. Hvað með að Ríkið nái og standi fyrir samstarfi við fyrirtækin í landinu og sveitarfélögin um aðkallandi verkefni. R´æikð á nú orðið allt sem skiptir máli hvort sem er. Sem reyndar leiðir nú hugann aftur til Marteins Mosdals og þess hversvegna erum við með Samkeppnisstofnun, en þetta er nú bara grín. Það er nú verið að hjálpa fólki með úrlausn fasteignalána og er það vel.

Hvað með að móta öfluga markaðsstefnu landsins og fyrirtækja þar sem sérstaða landsins er höfð að leiðarljósi og verðum sú fyrirmyndarþjóð á svo mörgum sviðum sem við erum. Með því móti getum við náð reisn okkar og stöðu á meðal þjóða heimsins og jafnvel fyrirmynd. Um leið myndi það tryggja sölu okkar afurða á forsendum sjálfbærra framleiðsluhátta.

Obama staðfestir aðgerðaráætlun

Dollarinn sterkasti gjaldmiðillinn

Í gærkvöld og í morgun var ekki um annað  fjallað í fjölmiðlum hér Bandaríkjunum en efnahagsaðgerðaráætlun Obama stjórnarinnar. Enda ekki að furða þar sem þetta er langstærsta björgunaráætlun sem nokkru sinni hefur verið lögð fram í þessu landi. En það var ekki bara Bandaríska þjóðin sem fylgdist með málinu, það var allur heimurinn.

Þegar maður horfir aðgerða þessarar ungu þjóðar er merkilegt að sjá hvað menn eru lítt hikandi og óhræddir við að taka ákvarðanir. Þegar horft er nú til Evrópu þá virðast Evrópuþjóðirnar vera enn að skoða vandamálin, greina orsakir og leita sökudólga. Hér aftur á móti er ráðist að lausn vandans, orsökin er ljós og sökudólgarnir verða dregnir til ábyrgðar.

Bandaríkjamenn standa frammi fyrir stórum vandamálum. Það geysar stríð í Írak, Pakistan og Afganistan. Það er öllum einnig ljóst að vandamálin í Miðjarðarhafslöndunum verða ekki leyst án aðkomu þeirra. Þá er gríðarlega mikið verk óunnið í heilbrigðismálum og öðrum félagslegum málum. En þeir forgansraða.Númer eitt er að fjölga störfum og koma í veg fyrir að fólk missi heimili sín og það er viðfangsefnið sem mest er lögð áhersla á. En til að unnt sé að gefa fólki, kost á að skuldbreyta húnsnæðislánum sínum þarf fólkið að hafa atvinnu.

Þegar horft er til Evrópu í dag virðast menn ekki finna leiðir. Mér sýnist því menn bíða spenntir eftir því hvernig Bandaríkjamönnum tekst til. Það virðist líka vera að gerast, þrátt fyrir allt, að dollarinn sé að verða sterkasti gjaldmiðill heimsins. Evran er að falla og búist er við að Asíuþjóðir muni fella gengið gangvart dollar sem hefur styrkst á síðustu dögum vegna aukinnar eftirspurnar.

Heima á Íslandi er ánægjulegt að sjá að nú sé stefnt að því að hjálpa fólki við endurskipulagningu húsnæðislána. Það er gott framtak. En það sem skiptir líka miklu máli er að leggjast nú öll á eitt með að kanna með hvaða tiltækum ráðum megi tryggja fleiri störf í landinu. Það  versta sem við upplifum í nokkru samfélagi er atvinnuleysi. Hér leggja menn mikla áherslu á að stór hluti þeirra starfa sem aðgerðaráætlunin stefnir að eru störf í þágu samfélagsins til frambúðar. Þar eru störf við endurbyggingu húsa í eigu opinberra aðila, samgöngur, hrein orkuframleiðsla osfrv. Að þessum málum verður unnið í samvinnu einkaaðila og hins opinbera.

 

Mögnuð þjóð

Í gær þriðjudag voru liðnar fjórar vikur frá því Obama forseti tók við völdum í Hvíta Húsinu. Það er óhætt að segja að mikið hafi gengið á hér í Bandaríkjunum síðan þá og ekki síst hér í höfuðborginni Washington.

Það  er athyglisvert  hvernig Obama og hans fólk tekur á efnahagsvandanum sem hér blasir við og hefur ahrif um allan heim. Það sem mest er um vert með Bandaríkjamenn er hvernig þeir nálgast vandamálin. Þeir eru búnir að skilgreina hvað fór úrskeiðis og ég hef þegar séð þrjá afar góða sjónvarpsþætti þar sem greinilega kemur fram hvernig og hvað það var sem olli þessu mikla hruni á fjármálamörkuðunum en þeir eru Meltdown sem sýndur var á PBS, House of Cards sem NBC sýndi og svo var stærsti hluti 60mínútna þáttarins sem sýndur var á CBS á sunudag helgaður þessu máli.

Ég vona að íslensku sjónvarpsstöðvarnar sýni þessa þætti því þeir greina afar vel frá því sem gerðist á mannamáli. Þá er nú að koma í ljós hvernig fjármálafyrirtækin brutu lög og reglur, að ekki sé talað um siðferðisbrestina. Þessi mál koma nú í ljós hvert á fætur öðru og teknir til við að rannsaka þau mál og búast má við enn fleiri málum á næstunni. En þessi mál eru komin í farveg og Forsetinn og hans fólk að hugsa um leiðir til að leysa vandann.

Bandaríkjamenn eru snillingar í að ganga hreint til verka og leita lausna. Stundum tekst það vel og stundum ekki svo vel. En þeirra viðhorf er ætíð það, að betra sé að gera eitthvað í stað þess að gera ekki neitt. Sú hugsun er nefnilega ríkjandi hér að þeir sem aldrei gera mistök geri aldrei neitt. Það versta sem getur komið fyrir nokkra þjóð er atvinnuleysi og allar hinar hörmulegu afleiðingar þess. Í nýju lögunum um björgunaraðgerið er megin þemað að fjölga nýjum  störfum í landinu um 3.5  til 4 milljónir nýrra starfa á næstu 18 til 24 mánuðum. Þá er í áætluninni gert ráð fyrir að koma í veg fyrir frekari uppsagnir starfsfólks.

Að þessu verkefni vill Obama stjórnin standa með alemmingi, einkafyrirtækjum, sveita- og fylkjastjórnum. Obama hefur síðustu daga ferðast um landið og kynnt sér ástand mála og skoðaða aðgerða áætlanir  sveitarfélaga um leið og hann hefur vakið athygli á þeim aðgerðum sem hann samþykkti sem lög í gær. Þetta hefur Forseti aldrei gert enda enginn Forseti tekið við jafn slæmu búi og hann hefur nú gert.

Obama hefur einstakt lag á að blása von og trú í fólk. Hann talar tungumál sem almenningur skilur og þessvegna nýtur hann mikils stuðnings. Hann hefur líka sagt að þessi stróbrotna aðgerðaráætlun sé ekki fullkomin enda séu vandamálin af þeirri stærðargráðu og umfangi að engin fordæmi sé að finna. Þessvegna er þessi leið valin í þeirri von að það takist að snúa vörn í sókn. Hann sagði við undirritun laganna í gær að þetta væri ekki endanleg lausn en þetta væri vonandi upphaf endaloka efnahagsvandans. En það á eftir að koma í ljós. Annaðhvort tekst þetta eða ekki og hann segist bera fulla ábyrgð á aðgerðaáætluninni standa með henni eða falla.

Bleikjan í verslunum Whole Foods Markets

Nú þegar svo árar, sem stendur í fjármála umhverfi hins vestræan heim,s hef ég verið að kanna hvort ekki sé hægt að flýta þeirri áætlun um að koma öllum okkar afurðum til allra svæða í Bandaríkjunum þar sem Whole Foods Markets eru starfandi.

Í síðustu viku júní mánaðar var efnt til kynningar á eldis bleikju frá Samherja og í samvinnu við Fiskval. Kynningin stóð yfir í 6 daga og fengnir voru fimm matreiðslumeistarar frá Íslandi til að heimsækja 23 verslanir WFM í Washington borg og nágrenni á þessum dögum. Auk þess var efnt til mikillar matarkynningar á árlegum Hátíðarkvöldverði samtaka veitingahúsa í Washington, þar sem boðið var uppá bleikju í forrétt, osta, lambakjöt og skyreftirétt með íslensku súkkulaði. Er skemmst frá því að segja að vel tókst til. Í verslununum elduðu matreiðslumeistarnir  bleikju úr íslensku smjöri og gáfu að smakka osta, skyr og súkkulaði. Bleikjan vakti mikla athygli og seldust um 5 tonn á þessum dögum sem var áttföldun á sölu miðað við meðalviku fram að kynningunni.  

Þetta varð til þess að yfirmenn WFM, sem sjá um fisk og aðrar sjávarafurðir,  fengu mikinn áhuga fyrir að gera enn betur og kanna hvort okkur tækist að koma bleikjunni í allar verslanir WFM um landið allt 270 að tölu. Þetta gekk  eftir og var  unnið að þessu  kynningarverkefni í samvinnu við aðalbækistöðvar WFM í Austin í Texas í desember og hófst kynning á belikjunnu í öllum búðunum í byrjun janúar og stóð yfir allan mánuðinn.

 Sett var  upp myndarlegt kynningarefni í allar búðir hinn 7 janúar  um bleikju og almennt um Ísland.  Plagöt með myndum af  fiskvinnslufólki á Íslandi voru sett um á áberandi stöðum sem og uppskriftarbæklingar með nánari upplýsingum um eldið sem er það fyrsta í heiminum  sem nær þeim áfanga að uppfylla öll skilyrði um hreinleika og gæði ásamt umhverfisþáttum sem WFM hefur verslað við. WFM  fékk  vottunarstofu frá Sviss sem sérhæfir sig í gæðavottun matvæla til að vinna verkið samkvæmt ströngustu stöðlum um fiskeldi sem þekkjast. 

Talið er, að að  jafnaði heimsæki um 3- 5000  manns hverja búð WFM daglega, en  þær eru opnar sjö daga í viku og því koma  um 25- 30 milljónir  efnaðir viðskiptavinir búðanna í snertingu við Ísland og afurðri þess í einum mánuði.

 

Hinn 4 febráur sl. var gerð skoðanakönnum í öllum verslunum WFM um verkefnið. Niðurstaða þeirrar könnunar leiddi til þess að ákveðið var að halda kynningunni áfram í  amk 7 vikur eða fram yfir miðja mars.

 Þetta tilefni gefur okkur einstakt tækifæri til að koma afurðum okkar fyrr inní allar búðir en áður hafði verið áætlað, enda að þessu unnið nú í samvinnu við aðalbækistöðvar verslananna. Það þýðir að allar boðleiðir styttast en undir aðalbækistöðvunum starfa svo svæðadeildir fyrirtækisins sem eru 9 og á hverju svæði að meðaltali um 30 búðir. Auk þess fáum við nú meiri möguleika á að koma  kynningarefni  á framfæri í landsfjölmiðlunum (Nation Wide) þar sem og þegar  afurðir okkar fást um landið allt.  Þá fáum við væntanlega tækifæri til að komast inná heimsíðu WFM, www.wholefoods.com sem er mikið heimsótt.  Þar birtast ekki  fréttir  af afurðum nema að þær fáist í öllum búðunum Þetta er því mikill ávinningur fyrir okkar afurðir. 

Jæja loksins

Síðustu vikur hafa liðið hratt og ég hef svikið vini mína og reyndar sjálfan mig með að færa ekki bloggið mitt reglulega einsog stóð til að gera, samviskusamlega.

En sé að það er liðinn alltof langur tími síðan síðast og mun ég nú reyna að bæta mig. Frá því í desember er ég búinn að fara heim þar sem ég eyddi jólunum í faðmi fjölskyldu og vina auk þess að funda með og heimsækja fyrirtæki og framleiðendur.

Þetta var góður tími en svo er komin hér ný stjórn í landi tækifæranna. Og fer vel af stað miðað við þær ömurlegu aðstæður sem heimurinn býr við í dag. Sá stórvelgerðan sjónvarpsþátt í gær á sjónvarpsstöðinni CNBC þar sem farið var yfir orsakir efnahgas heimsins. Hvernig þetta gerðist allt saman, hvar það hófst og svo afleiðingarnar. Ég er nú búinn að vekja athygli sjónvarpsstöðvanna heima á þessum þætti og hvatt þær til að sýna hann. Hann er nefnilega skólabókardæmi um ástandið og orsakirnar.

 Þátturinn heitir "House of Cards" og er mjög vel gerður og raunsær. Þar kemur fram að upphaf vandans megi rekja til hryðjuverkaárásanna á New York og Washington hinn 11 september 2001.

En það er önnur saga. Ég mun nú halda áfram við að segja frá því sem ég er að byggja upp hér vestanhafs og reyna að ná í skottið á sjálfum mér með næstu pistlum.

Mikið vatn runnið til sjávar síðan í desember og mjög spennandi mál í gangi. Og ekki frá því sé björt þrátt fyrir allt.

Nú getum við líka!

Alveg dæmigert fyrir okkur, þurfum alltaf að láta aðra verða fyrsta, þegar við höfum mestu möguleikana og bestu tækifærin.

Hverskonar minnimáttakennd er þetta alltaf? Gerum nú Ísland að fyrsta Sjálfbæra landi veraldar, áður en einhver önnur þjóð segist verða það.

Þá verður of seint að vera fyrst!

Hawaii rafbílavæðist

Snilldar þáttur um Sjálfbært Ísland

Horfði með mikilli ánægju á þátt NBC í morgun. Þátturinn er hluti af umfjöllun þessarar stóru og áhrifamiklu sjónvarpsstöðva í Bandaríkjunum um umhverfismál. Einn þáttastjórnanda er á Kilimanjaro, hæsta fjalli í heimi, einn við Miðbaug, einn í höfuðborg Ástralíu líklega syðsta höfuðborg í heimi og einn á Íslandi,ekki langt frá nyrstu höfuðborg heims, við Gullfoss. Sá er einn þekktasti veðurfréttamaður Bandaríkjanna Al Roker og fór hann mjög fögrum orðum um land og þjóð og sagði meðal annars að hans mati væri  Ísland  fallegasta land sem hann hefur heimsótt. Og hann hefur heimsótt mörg lönd.

Al fór líka fögrum orðum umhverfið, jöklana, fólkið og fossana og átti viðtöl við nokkra landa og voru þau öll frábær og maður var stoltur af sínu fólki. En eitt var undirtóninn í efninu frá Íslandi  en það var hin einstæða staða orkumála og hreint vatn og gnæð af því, á meðan Suðurhluti plánetunnar var að glíma við mikinn vatnsskort. Þá kom það einni fram að Ísland væri, að mati Sameinuðu Þjóðanna, ekki okkar sjálfra, umhverfisvænsta þjóð veraldar.

Þetta sló mig og styður þá metnaðarfullu hugmynd að við eigum hiklaust að lýsa því yfir að við ætlum okkar að verða

Fyrsta Sjálfbæra land veraldar.

Það var árið 1992 að Sameinuðu þjóðirnar efndu til ráðstefnu í Ríó De Janeriro í Brasilíu um sjálfbæra þróun í heiminum og hvernig þjóðir heims myndu setja sér skynsamleg markmið í þessa átt. Fundinn sóttu fulltrúar frá Íslandi undir forystu Vigdísar Finnbogadóttur Forseta. Formaður Umhverfsinefndar SÞ á þessum tíma var Gro Harlem Brundtland. Í lok fundar var ákveðið og samþykkt að næsti fundur yrði haldinn 10 árum síðar eða árið 2002 og þar myndu þjóðir heimsins kynna stefnu sína og marmkið. Sá fundur var svo haldinn í Jóhannersarborg í Suður Afríku.

Af Íslands hálfu var unnið metnaðarfull áætlun, staða landsins og markmið til ársins 2020. Þessi áætlun, samþykkt af Ríkisstjórn Íslands var kynnt á fundinum og vakti athygli margra þjóða enda afar vel unnin,  skynsamleg áætlun og raunhæf,  sem getur orðið þjóðinni gulls ígildi ef vel verður haldið á málum. Þessi skýrsla sem Umhverfisráðuneytið vistar er öllum sem að vinnslu hennar komu til mikils sóma. Skýrslan heitir á Ensku

"Welfare for the Future" og undir Iceland´s National Strategy for Sustainable Development    2002 - 2020.

Nú legg ég til að við dustum rykið af þessari metnaðarfullu áætlun og förum í alvöru að vinna eftir henni og kynnum landið og afurðir þess fyrir umheiminum á þessum forsendum  og verðum öðrum þjóðum til fyrirmyndar á þessu sviði. En hvað er það sem við höfum umfram önnur ríki og hvaða raunhæfur möguleiki fellst í svona metnaðarfullri yfirlýsingu?

Við stöndum samkvæmt fréttum NBC í morgun fremst allra þjóða á sviði Umhverfismála. Þar ber auðvitað fyrst að nefna fyrsta sjálfbæra fiskveiðstjórnunarkerfi í heimi sem við tókum upp árið 1983 af ótta við ofveiðar. Þá voru það frumkvöðlar þjóðarinnar sem áttuðu sig á því fyrir um 60 árum síðan hvað það væru mikil verðmæti sem við gætum skapað okkur með beislun orkunnar og engin þjóð í heiminum sem kemst með tærnar þar sem við höfum hælana á þessum síðustu og verstu tímum orkukreppunnar. Þá má segja að nánast allur landbúnaður sé stundaður á sjálfbæran hátt.

Auðvitað er margt sem við getum bætt og eigum að bæta. Við verðum hinsvegar að setja okkur skynsmaleg markmið einsog koma fram í skýrslunni um Sjálfbært Ísland. Við þurfum að hrinda aðgerðaráætlun í framkvæmd.

Við erum ávallt á varbergi með stjórnun veiða og þar þokast mál í betri farveg með aukinni þekkingu. Auðvitað er og verður aldrei hægt að ná fullkominni sátt um stjórnun veiðanna en það þarf að nýta fjölbreyttar aðferðir við veiðarnar þannig að auðlindin skapi sem mestar tekjur fyrir þjóðarbúið hverju sinni og ná sáttum um aðalatriðin og fiskveiðstjórnunarkerfið sem slíkt. Og varðveita stofnana með öllum tiltækum ráðum.

Bændur landsins eiga hiklaust að leita til fyrri tíma með rekstur búa og taka upp af miklum krafti, lífræna búskaparhætti.  Nýta enn betur yfirgefnar jarðir og  lífærnan úrgang samfélagsins osfrv. Það er líka mikill kostnaður sem fellur á bændur vegna kaupa á tilbúnum áburði. Allur landbúnaður á Íslandi var lífrænn fyrir örfáum áratugum síðan og þessvegna alveg raunhæf leið. Í dag fellur landbúnaður á Íslandi að reglum um sjáklfbæra búskaparhætti og því ekki svo langt í að menn komist alla leið með lífrænan búskap.

Orkumálin eru mál málanna um allan heim og einsog kom fram í þættinum í morgun þá stöndum við mjög framarlega á sviði orkumála, fremstir þjó-ða að þeirra mati. En það er mikil samkeppnin framundan og því mikilvægt að við reynum að komast að þeim rannsóknum og vinnu sem fram mun fara á næstu árum við leit að sjálfbærum orkugjöfum. Menn eru ekki bara að horfa á vatnsorkunnar það er líka verið að skoða vind, sól, hrein kol og haföldur. Þarna erum við vel í stakk búin með að koma að þróunarverkefnum og hver myndi ekki einmitt vilja vinna með okkur, fyrstu sjálfbæru þjóðinni, að þessum málaflokkum?

Í mínum verkefnum hef ég notað Sjálfbært Ísland sem vörumerki enda allar afurðir sem við seljum hér vottaðar sem slíkar. Þessi þáttaröð NBC mun aðeins styðja þessa viðleitni mína og staðfesta en betur má ef duga skal. Það að setja okkur þetta markmið mun setja okkur á annan og enn hærri stall en við sitjum nú á og gera okkur sem þjóð að enn betri þjóð en við í raun erum. Við búum yfir mikill þekkingu og reynslu á samskiptum við náttúruna og þann kraft eigum við nú að beisla og stefna hátt. Við getum þetta alveg og eigum að setja markið á jákvæða vinnu og stefnu fyrir okkur sjálf og framtíð barna okkar.

Hættum að tala byrjum að vinna!

 

Ísland í beinni á NBC

Næsta spurning

Þá þurfa menn í leiðinni að velta því fyrir sér hvort sé verra, nú eða betra, Ríksirekstur eða einokunarkapítalismi?

Þátttaka RÚV á auglýsingamarkaði verði endurskoðuð

Verðum að trúa

Mér finnst alltof oft í umræðunni um þessi döpru mál að halda því fram að stjórnmálamenn séu ekki að gera sitt besta. Við verðum að trúa því. Þetta umhverfi er langt frá því að vera skemmtilegt, það geta allir ímyndað sér sem einhverntíman hafa lent í erfiðleikum.

Við erum allsekki ein á báti í þessum miklu fjárhagserfiðleikum, það eitt er víst. Það vill enginn maður gera annað en sitt besta við svona kringumstæðum.

Von um niðurstöðu í IceSave-deilu