Sóknarfæri fyrir landið fagra?

Síðsutu vikur hef ég  lagt nótt við dag til að forðast það tjón sem við urðum fyrir með gengisbreytingunni sem brast á af fullum þunga á ótrúlega skömmum tíma. Um þetta leiti, það er að segja á haustin, hef ég staðið fyrir stórum matarkynningum í verslunum Whole Foods. Fimm íslenskir matreiðlsumeistarar hafa heimsótt verslanir og boðið fólki að smakka skyr, smjör, osta, súkkulaði og lambakjöt. Við höfum einnig haft íslenska vatnið á boðstólum þar sem það hefur fengist.

Í ár stóð til að heimsækja og kynna matvælin í  um 75 verslunum á  Boston, New York og Washington svæðunum. Þá var búið að fá eitt fremsta og virtasta veitingahús í New York til að vera með sérstaka kynningu í heila viku í byrjun október sl. En vegna þess að gengi krónunnar hrapaði jafn hratt og raun varð á varð ég að hætta við þessar kynningar og reyna að fremsta megni að fá verslanirnar til að hjálp mér við innanbúðar kynningar.

Fjármunir til verkefnisins eru í krónum og hefur dollarinn á einu ári hækkað úr kr. 60 í kr. 135 í dag. Þá hefur ekki tekist að fá yfirfærslu fjármuna síðan um miðja september. En þetta er tvúibent sverð og er hin hliðin  auðvitað sú að framleiðendur heima fá sem nemur þetta miklu hærra verð fyrir afurðir sínar og sem dæmi má nefna að eitt kíló af lambalæri kostar nú kr. 2.650 og ein dós af skyri kr. 377 sem ég keypti heima í sumar á kr. 78.

Mér var allstaðar vel tekið og fólk hafði samúð með okkur og vildi allt fyrir okkur gera við þessar aðstæður. Ég held því að tekist hafi að ná bærilegum árangri þrátt fyrir að hafa ekki getað  staðið við okkar áætlun og miðað við það hefur salan verið ásættanleg þennan tíma. Mér þótti ánægjulegt að finna fyrir því, miðað við það sem ég les í blöðunum heima um viðhorf gagnvart okkur í öðrum löndum, hvað mér var vel tekið og fólk upp til hópa sýndi mikla samkennd. Það var góð tilfinning.

Það hefur tekist að koma okkar afurðum inní um 90 verslanir hér á norð austurströndinni eða frá Atlanta í Georgíu norður um allt til landamæra Kanada. Þá var ég búinn að fá svæðin frá Atlanta suður til Florida til að selja okkar afurðir, samtals um 32 búðir og er nú beðið eftir ákvörðun að heiman um ný verð vegna flutingskostnaðar  þangað.

Þegar þetta var svo komið í höfn og ekkert eftir nema fá flutingsaðila og rétt verð  þá hafði ég samband við yfirmenn fiskideilda allra búðanna í Bandaríkjunum. Ég hafði nefnilega staðið fyrir   mjög áhugaverðu kynningarverkefni í lok júní sl. þar sem við kynntum ferska eldisbleikju frá Samherja og steiktum hana uppúr íslensku gæða smjöri og buðum uppá skyr osta og súkkulaði í eftirétt. Þá hefur Fiskval einnig verið að selja beint í búðirnar ferskan íslenskan fisk. Allt er þetta gert undir íslensku vörumerki og það dregið fram afurðunum til framdráttar.

Kynning í lok júní tókst mjög vel og framleiðslugeta Samherja gefur okkur tækifæri til að komast í allar verslanir Whole Foods 270 að tölu um öll Bandaríkin. Þetta verkefni er nú að komast í höfn.  Til stendur að búðirnar verði skreyttar með stórum myndum af íslensku fiskverkafólki. Sett verða upp kynningarborð þar sem fók fær að smakka fiskinn og fleira kynningarefni komið á framfæri. Þá er ég að reyna að koma kynningarefni um íslenska ferðaþjónustu á framfæri af þessu tilefni og efni um landið fagra, hið Sjálfbæra Ísland.

Þetta er mikil viðurkenning á okkar matvælum og mun stytta mjög áætlun um að koma íslenskum afurðum í fleiri verslanir  og fyrr en ráðgert hafði verið. Hafði reiknað með að við myndum komast þangað á þremur til fjórum árum en þetta gæti stytt þá leið í innan við ár, ef vel tekst til. Það að fá svona stóra  kynningu  í þessum glæsilegu verslunum  er afar mikilvægt og gefur okkur byr undir báða vængi. Það skiptir því miklu máli að vel takist til.

Þó er er efnahagsástandið hér í þessu landi tækifæranna slæmt. Hér er talsvert um að fyrirtæki sjá frammá umtalsverðan samdrátt og verð eru að lækka. Stjórnvöld hér eiga fullt í fangi með að leita leiða rétt einsog heima við ekkert ósvipaðar orsakir. Þrátt fyrir það  er verslun með matvæli ágæt þó menn séu ekki að ná sömu aukningu og á síðustu árum en standa í stað. Allt  hefur þanþol, líka fjármálamarkaðurinn.

Íslenskir framleiðendur eiga því hiklaust að notfæra sér þetta tækifæri til að koma afurðum sínum á framfæri og kynna þau. Menn eru nú sáttir við að fá verð staðfest til 3-4ra mánaða í senn vegna efnahagsástandisins í heiminum öllum. Fyrirtæki hér eru mörg hver að tilkynna að þau dragi til baka söluáætlanir á næsta ári og menn reyna að aðlagast aðstæðum á forsendum sem maður hefur ekki upplifað áður í þessu annars sterka efnahagsumhverfi sem Bandríkin eru þekkt fyrir.

Í verslunum Whole Foods er einugis boðið uppá matvæli sem annað hvort hafa vottun um lífræna búskapar- og framleiðsluhætti  eða uppfylla skilyrði verslananna um sjálfbæra nýtingu náttúrulegra aulinda og meðferð dýra. Þeir fullyrða að þeir selji engin matvæli, né annan varnig, sem geti haft skaðlega áhrif á heilsufar fólks, dýra né náttúruna.

Þeir einir verslana hafa sérstaka deild sem sinnir þessum málum af mikilli vandvirkni og leiðbeina framleiðendum um úrlausnir. Allar okkar afurðir eru seldar undir merki sem skrásett hefur verið hér í Bandríkjunum og er það mynd af eyjunni fögru og þar stendur "Sustainble Iceland" og undir því síðan 874. Þetta merki er eign þjóðarinnar og þýðir samkvæmt skráningunni að þær afurðir sem uppfylla skilyrði Whole Foods Markets megi nota merkið.  Það er það trúverðugasta sem við getum boðið uppá og léttir róðurinn um leið og þetta hefur vakið verðskuldaða athygli.

Allar þær afurðir frá Íslandi sem þeir selja hafa farið í gegnum nálarauga fyrirtækisins sem er mjög strangt og að auki þurfa framleiðendur að fá löggilda vottun þriðja aðila áður en afurðirnar komast ínn í búðirnar. Það er því  mikil viðurkenning fyrir íslenskan sjávarútveg og landbúnað að hafa staðist þetta stranga vottunarferli og öllum sem að því hafa staðið til mikils sóma.

Nú er semsagt erið að vinna að því að fá framleiðendur að þessu verkefni til að það takist sem allra best og verði okkur til framdráttar. Með því móti og stuðningi getur þetta orðið upphaf að stöðugum, sterkum markaði fyrir Ísland, afurðir þess og þjónustu. Þetta eru jú sannar sælkeraverslanir og eru frekar dýrar enda segja þeir að þeir selji úrvals afurðir á sanngjörnu verði, það kostar aðeins meir að framleiða hreinar hollar afurðir en að stunda verksmiðjubúskap.

Það eru því spennandi tímar framundan og vona ég að fleiri muni njóta góðs af þegar frammí sækir. Það er því mín hugmynd að við, sem þjóð verðum sjálfbær þjóð og kynnum landið og afurðir þess sem slíkar. Í því felst að sjálfsögðu að það er margt sem þarf að laga til að svo megi verða og mun ég miðla minni reynslu af þessari hugmynd á næstunni.

Gamla góða Ísland

Athyglisverð hugmynd.

Við sem munum tímana tvenna, vitum að auðlindir okkar og tekjur byggðust á úrvals hráefni, orku og landinu og fólkinu sjálfu. Þar myndast virðisauki og skapar  okkur náttúrlegar auðlindir.

Sjómaðurinn fór á haf út veiddi fisk og seldi. Sá sem keypti flakaði og seldi flök, sá næsti keypti rest og framleiddi mjöl og lýsi. Síðan voru afurðirna fluttar út og tekjurnar skiluðu sér til samfélagsins. Ekki mjög flókið og allir fengu sitt.

Síðan hófst tímabil fjárhættuleikjanna. Margir skildu hreinlega ekkert hvað var að gerast en allir virtust vera að græða, en enginn þurfti að vinna fyrir gróðanum. Bara gamla góða Matadorið komið á fulla ferð og taumlaus græðgin reið ekki við einteyming. Fimm spiluðu og sá sem græddi mest vann og hinir fjórir töpuðu.

Nú eru menn búnir að átta sig á því  að hið taumlausa frelsi gekk ekki upp. Þegar heimurinn allur aflétti svokallað reglugerðafár fjármálaheimsins,  fór allt úr skorðum. Greenspan hinn merki Seðalbankastjóri Bandaríkjanna viðurkenndi það fyrir þingmannanefnd fyrir skömmu að hann hefði sannarlega trúað því að markaðurinn gæti alltaf jafnað sig sjálfur. Það þyrfti ekki að stýra  honum.

Hið gagnstæða kom í ljós. Nú stöndum við frammi fyrir nýjum tímum. Þurfum að finna upp hjólið, enn eina ferðina og búa til samfélag á nýjum forsendum. Gömlu kerfin, kommúnisminn og kapítalisminn gengu ekki upp. Bæði kerfi höfðu takmarkaðan líftíma einsog allt sem lifir, það deyr.

Þessa  hugmynd sem Robert bendir á, er sannarlega vert að skoða. En hún byggist á því að fólkið í landinu sé reiðubúið til þess að axla þá ábyrgð og vinnu sem í henni, hugmyndinni, felst.  

Það er líka mikilvægt, sem hann segir og skiptir kannski mestu máli fyrir okkur öll, en það er að við munum LIFA áfram hvað sem á gengur. Að minnsta kosti þar til við deyjum. Það er nefnilega þannig sem alltof oft gleymist,  að það erum við, mannfólkið, sem á að stjórna peningunum en ekki láta þá stjórna okkur.

Frelsið er enn fín hugmynd,en það þarf að hafa eftirlit með því, einsog maðurinn sagði!

Það eina sem skiptir máli í lífinu, er lífið sjálft. Restina getum við keypt!

 

Gætum hæglega sleppt IMF-láni

Landbúnaðarafurðir til USA

Undanfarnar vikur hef ég verið að vinna að því að auka hróður okkar matvæla í verslunum Whole Foods og vonandi fínum veitingahúsum. Með afar veikri stöðu krónu gagnvart dollar hafa aldrei fengist jafnhá skilaverð til framleiðenda á Íslandi sem nú. Þetta er nú megin orsökin fyrir því kæru vinir að ég hef ekki haft tíma til að skrifa ykkur um tíma.

Lambakjötsvertíðinni er nú að ljúka en kjötið er aðeins selt á haustin í sláturtíð. Aftur á móti er ég nú að kanna hvort ekki sé hægt að lengja sölutímabilið með því að selja fryst kjöt til veitingahúsa og halda því þannig í sölu allt árið um kring. Nýta svo aftur á móti haustin til að kynna það sérstaklega í verslunum, frá lok ágúst til þakkagjörðarhátíðarinnar sem er síðasta vika nóvember mánaðar.

 Það er nokkuð snúið að flytja inn kjöt til Bandaríkjanna. Þar gilda mjög strangar reglur um innflutning og lendum við stundum í því að þurfa að endursenda innflutnings pappíra.  Oft vegna smáatriða, sem væri betra að vera laus við,  sem við þurfum nú að bæta enn meir og sjá til þess að afurðirnar fái sem hraðasta og bestu afgreiðslu, þegar þær koma til landsins. Enda geymsluþolið takmarkað á fersku kjöti.

Hvað varðar mjólkurafurðirnar þá hefur það tekið langan tíma að ná stöðuleika við innflutninginn en það hefur tekist vel og nú fá verslanirnar afurðirnar afgreiddar innan tveggja daga frá því þær koma með Icelandair Cargo til New York.  Áður gátu liðið allt að tvær vikur að fá þær afgreiddar. Nú eru aðeins tekin nokkrum sinnum sýnishorn, en þeim fækkar með hverjum mánuði og það hefur byggst á því  að varan er orðin þekkt og kemur reglulega til landsins og hefur alltaf staðist stranga skoðun.

Ísland hf. Orkan

Ég var áður búinn hér á bloginu að velta fyrir mér landbúnaði og sjávarútvegi en átti þetta eftir áður en ég held áfram með hugmyndafræðina um sjálfbært Ísland. Þarf sem sagt að komast í nútíðina áður en ég held áfram inní framtíðina.

Ísland hf. býr yfir mikill orku ekki bara í mannfólkinu einnig í iðrum jarðar sem þeim hefur tekist á einstæðan hátt að virkja. Svo einstök  þykir þessi orkunýting að um hana hefur verið fjallað í fjölmiðlum um heim allan og síðast fyrir um hálfum mánuði á einni af þremur stræstu sjónvarpsstöðvum Bandaríkjanna NBC. Mér skilst svo að þeir séu aftur á leið heim til að fjalla enn frekar um þessa stórkostlegu auðlind og ekki síst eftir þá gríðarlegu orku umræðu sem fór fram í kosningabaráttunni um nýjar orkulindir.

Í heiminum í dag er mikill órói sem að hluta til á rætur að rekja til orkuskorts sem fólk er minnt á reglulega með óheyrilega háu verði á olíu sem dæmi. En það er ekki bara hvernig hluthöfunum hefur tekist að beisla þessa orku.  Það er líka sú staðreynd að þetta er orka, sem veldur ekki loftlagsmengun, því hún er unnin úr náttúrlegum auðlindum landsins sem eru fallvötn og jarðhiti

Í þessari auðlind, orkunni í eigu fyrirtækisins Ísland hf búa umtalsverð verðmæti sem unnt er að nýta enn betur með skynsamlegum hætti og í samvinnu við orkufrek fyrirtæki. Fyrirtækinu hefur því tekist að spara gríðarlega fjármuni og erlendan gjaldeyri með þessum sjálfbæra orkugjafa. Í honum felast jafnvel enn meiri verðmæti til framtíðar litið en menn hafa áttað sig á.

Með auknum virkjunum þarf að fara varlega og taka tillit til þess að til að framleiða orkuna þarf land og það er takmarkað. Eyjan er lítil og viðkvæm þessvegna þarf í framtíðaráformum fyrirtækisins að fara með gát og tryggja að vænlegustu kaupendurnir sé valdir af vandvirkni og valdi sem minnstum skaða við framleiðslu sem byggir á þessari hagkvæmu orku sem telst til einhver mestu verðmæta fyrirtækisins.

Þetta sem ég hef verið að tala um varðandi Ísland hf er almennt skrifaður til að segja okkur í raun allt sem við vitum en er bara áminning. Svo kemur að því að koma þessum verðmætum á markað þannig að tekjur myndist í rekstri félagsins og það skapi eigendum þess sem bestar og hagkvæmastar tekjur og verndi um leið þau verðmæti sem fyrirtlækið á og hefur byggt upp

Stutt saga frá kosningabaráttunni í Washington

Sæl öll aftur, loksins kemst ég af stað aftur, síðan ég skrifaði síðasta blog hefur mikið vatn runnið til sjávar.  Við þessar undarlegu aðstæður sem heimurinn býr við í dag felast tækifæri, það getur ekki annað verið!

 Ég reyndi af fremsta megni að fylgjast með forsetakosningunum hér frá höfuðborginni Washington og það var magnað að sjá hvaða áhrif úrslitin höfðu. Hér í DC District of Columbia sem er ekki ríki en fær að kjósa forseta fékk Obama 93% atkvæða. Minnti á gömlu Sovétríkin. Fólk skemmti sér alla nóttina, flest veitingahús voru opin framundir morgun og þegar ég kom í kaffihúsið mitt klukkan 6 um morguninn og hitti þeldökka vini mína og óskaði þeim til hamingju þá kynntu þeir stoltir fyrir mér fólk sem unnið hafði fyrir Obama. Það var enn í sæluvímu og hafði ekkert sofið um nóttina og var á leið til vinnu. Ekkert drukkin en í sæluvímu. Held líka að það sé betra að vera átríðufullur en fullur, því þá verður maður ekki þunnur, en það er annað mál.

 Ég bað Oliver vin minn um einn sterkan svartan kaffi, því ég hefði líka sjálfur vakað frameftir og fylgst með úrslitunum, þá sagði hann að bragði: Svartan kaffi? Þá þarftu ekki að borga......

Orð í tíma töluð

Auðvitað eiga Norðurlandaþjóðirnar að halda áfram á þeirri braut að vera öðrum til fyrirmyndar á sviði matvæla og matvælaframleiðslu, ekki spurning. Það hefur reyndar ríkt bann við þessum transfitusýrum í New York í nokkra mánuði og reynst vel. Þá hafa NY búar einnig sett þá reglu að allir bæði stórir og litlir veitingastaðir hafi frammi allar upplýsingar um innihald þeirra rétta sem boðið er uppá. Þeirri reglu þarf líka að koma upp á Norðurlöndunum og ef ekki þá allavega eigum við íslendingar að setja þá reglu.

Vilja norrænt bann við transfitusýrum

Það er mikið

Ég hef tekið eftir því hér í Bandaríkjunum að Dow Jones hækkar og lækkar á nokkurra mínútna fresti úm mörg hundruð stig. Skýringin á þessu er sú, að mati sérfræðinga, að óttinn sé þar að mestu ráðandi. Hvaða ótti? Jú það er augljóst, fólk veit ekki hvað er að gerast, ekki einusinni mestu fjármálasérfræðingum heimsins svo sem Greenspan og fleiri hafa viðurkennt að frelsið og markaðslögmálin virki ekki.

Hvað  þá með okkur sótsvartan almúgann? Þetta er einsog hraðlest sem þýtur áfram algerlega stjórnlaus. Það þarf því að grípa í neyðarhemlana og stöðva lestina strax, um allan heim. Taka sér þann tíma sem ég gæti ímyndað mér að væri um 10 dagar og ákveða hvert beri að stefna með nýjum áherslum á traust og nýjar vinnureglur. Markaðirnir loka í tvo  og stundum í þrjá daga á frídögum, þessvegna sé ég ekki að nokkrir dagar í viðbót breyti neinu.

Það þarf að segja fólki hvað verður um sparifé þess, hvaða aðstoð þurfa fyrritæki á að halda til að fólk missi ekki vinnuna, hvað reglur gildi um ofurlaun forstjóra og annarra sem hafa nú ekki gert annað á allra síðustu árum en reka fyrirtæki með tapi, þó ekki allri, taka úr sambandi fáránlegar eftirlauna greiðslur, tryggja framleiðslu atvinnugreinum svigrúm til að athafna sig, segja fólki hverjir muni tapa og hversvegna, tryggja eftirlaunabætur osfrv. osfrv. Þetta er nefnilega orðið alheimsvandamál og nú getur og á alþjóðasamfélagið  að sýna kjark, þor og þrek til að takast á við þennan vanda. Svo m´æa finna lestinni nýtt spor og leggja af stað að nýju. Gott hjá hinum Norrænu frændum vorum að syna þetta frumkvæði og vonandi munu þeir hrinda þessu í framkvæmd.

 Það er ekki hægt að láta peninga, hin veraldlegu auðæfi stjórna gerðum okkar. Það erum við, mannfólkið sem á að stjórna peningunum en ekki þeir okkur. Við erum manneskjur með tilfinningar og ábyrgð. Fólk með þarfir og skuldbindingar sem við viljum standa við.

Það má því  ekki vera að eyða tíma í það að finna sökudólga. Við vitum að það var græðgin sem olli mestum vandanum, græðgi með nettu ívafi af siðleysi og ofneyslu se er orsökin og það vitum við öll. Við eyddum öll langt um efni fram og vissulega sumir enn meira en aðrir og báru enga virðingu fyrir samfélagslegri ábyrgð sinni. Það er miður, en margur verður af aurum api! Og það hefur sannast nú sem aldrei fyrr. Ég segi fyrir mitt leiti að frammistaða Íslenskra stjórnvalda undir forystu Geirs Haarde hefur verið til fyrirmyndar og  sannarlega staðið sína plikt. En  hefur oftar en ekki legið undir afar ósanngjörnum ásökunum. Við megum þakka fyrir að eiga svona mann einsog Geir. Eða vita menn um einhverja aðra sem myndu standa sig betur?

Leikhlé tímabært á mörkuðum?

Hversvegna ekki?

Þetta er athgylisverð frétt. Það hefur vakið furðu mína og margra annarra sem ég hef rætt við að þetta ástand á Dow Jones sé orðið algerlega óviðunandi. Það að horfa á markaði hækka og lækka um nokkur hundruð punkta á örfáum mínútum er skelfilegt. Það sem talið er valda þessu er að ótti! Óttinn má ekki stjórna aðgerðum fólks. Peningarnir mega ekki stjórna fólki, það er fólkið sem á að stjórna peningunum.

Á meðan óvissan er svona mikil þá virkar þetta allt á mann einsog stjórnlaus hraðlest sem verður að stoppa, stoppa strax! Fara frá borði og hugsa málin. Segja fólkinu frá því hvað er tryggt. Til dæmis eru sparireikningar tryggðir, munu fyrirtækin fá fyrirgreiðslu til að geta haldið áfram rekstri og haldið fólki í vinnu osfrv.

Það versta sem kemur fyrir samfélga er óvissá og óöryggi. Við erum fólk með tilfinningar og berum ábyrgð hvert á öðru. Við þurfum að vita hvar við stöndum, hversu vel eða illa. Verðum að vita það.Hvert við erum að fara og gleyma aldrei þeim mistökum sem við erum nú að upplifa. Markaðirnir loka allsstaðar í heiminum í tvo daga í hverri viku. Hversvegna má ekki loka þeim í þann tima sem það tekur að leiðrétta þá og tryggja framtíð þeirra og fólksins.

Svo má færa lestina á nýtt spor og leggja af stað á vit nýrra tíma. Þetta ástand getur enginn liðið lengur. Það var líka mjög fróðlegt að sjá yfirheyrslur yfir Greenspan. Þar var hann maður meiri þegar hann lýsti því yfir að honum og hans fólki hafði mistekist stjórnun efnahagsmála í Bandaríkjunum. Hann stóð hreinlega í þeirri meiningu að markaðirnir gætu leiðrétt sig sjálfir og það þyrfti ekki reglugerðir til að vernda þá né fólkið sem átti fjármunina.

Kann að þurfa að loka kauphöllinni í New York

Fróðlegt

Þetta verður erfitt mál og reynir á styrk manna. Reyndar einsog svo margt annað sem verið er að glíma við þessar vikurnar. Enn eitt framandi verkefni vegna þessa ástands. Nú er áríðandi að menn haldi jafnaði á geðinu.

Vill ekki frysta eignir auðmanna

Ísland hf. Landbúnaður

Fyrirtækið er staðsett á eyju sem liggur nánast að heimsskautsbaug eða rétt sunnan hans. Talið er að fyrstu hluthafarnir hafi komið að eyjunni árið 874 eftir Krist. Mönnum ber ekki saman um hvort þetta fólk hafi komið frá Írlandi eða Noregi en líklegt þó að þetta fólk hafi komið frá báðum löndunum.

Hluthafarnir fluttu með sér búfé og hefur því verið viðhaldið allar götur síðan og hefur tekist að viðhalda stofnunum hreinum frá þessum tíma. Er því bæði sauðfé og kýr í eigu fyrirtækisins einstakt á veraldarvísu og ekki vitað til að þessir stofnar séu til annarsstaðar á byggðu bóli. Það hefur svo komið í ljós að í fitusýrum lambakjötsins er óvenju hátt hlutfall af omega 3  og í mjólkinni undraefni sem talin eru hafa þau áhrif ma að sykursýki meðal ungbarna er með þeirri lægstu sem þekkist annarsstaðar.

Eyjan er ótrúlega gjöful þrátt fyrir legu hennar. Hefur hluthöfunum tekist ákaflega vel upp við að nýta landið, en um tíma má þó segja að landið hafi verið ofnýtt af óvarkárni. Þetta vissu menn líklega ekki en auk þess að vera eldfjallaeyja þá er eyjan líka viðkvæm fyrir veðrum og vindum,sandblæstri og eldgosum sem eru nokkuð tíð.

En nú á seinni árum, hefur hluthöfunum tekist betur við að nýta landið á skynsamlegan hátt og hafa nú eftirlit með því að ofbeit sé ekki stunduð og gert allt sem í þeirra valdi stendur til að endurheimta landsins gæði. Flestir þeirra sem búa í dreifbýli, það er að segja bændurnir, hafa valið sér þann lífsstíl að búa í sveit. Þessu fólki hefur vegnað vel og ber ábyrgð þá því að eyjunni er að mestu haldið í byggð með ströndum. Það gerir eyjuna áhugaverða fyrir ferðamenn sem í auknu mæli sækja hana heim og njóta sérstæðrar náttúru hennar.

Vegna legu landsins er veðurfar óvenjulegt. Þar eru sumarnætur bjartar en veturnir geta verið erfiðir. Gróðurtímabil er því óvenju stutt og mikilvægt fyrir þá sem nýta jörðina til fóðurframleiðslu að vinna mikið í gróðurtíðinni. En hlutverk þessa fólks er einnig að vernda menningu og sögu eyjunnar og fólksins sem þar hefur komið við sögu. Sveitir landsins og búfénaður hefur oftar en einusinni bjargað fólkinu frá hungri og eru þess mýmörg dæmi sem finna má í langri sögu fyritækisins.

Í dag, með aukinni þekkingu og vísindum, er nú oftar en ekki að fólk finnur ýmis hollustuefni í jurtum og jarðvegi landsins. Þar ber meðal annars að nefna heilsujurtir, svo sem fjallagrös sem þekkt voru sem fæðubótarefni fyrir mörg hundruð árum síðan. Það er einsog gróður sem lifir í myrkri og kulda í um 8 mánuði á hverju ári og lifni við á vorin hafi kraft sem vert er að veita gaum. Hver veit nema að þar séu verðmæti sem nýta megi til ýmissa þarfa og gætu skapað verðmæti.

Landið er því gjöfult og gæti líklega nægt til að brauðfæða alla hluthafana og meira til ef að er gáð. Matvælin eru framleidd með svipuðum hætti og tíðkast hefur um alla tíð í litlum, blönduðum fjölskyldubúum. Vegna fólksfæðarinnar hefur ekki verið þörf á að framleiða mikið magn fyrir lítið verð á kostnað gæðanna einsog tíðkast annarsstaðar í heiminum. Heldur hefur blessunarlega verið farin sú leið að framleiða gæða matvæli sem standast samanburð við það besta sem annarrsstaðar er vol á. Fyrirtækið mun aldrei geta brauðfætt alheiminn og þarf því að finna markaði sem kunna að meta gæði umfram verð. Þar er minnsta áhættan og mestu tekjumöguleikarnir.

Maturinn hefur því vakið athygli á seinni árum vegna þessara framleiðsluhátta og hreinleika og án óæskilegra aðskotaefna. Sem dæmi má nefna að menn hafa ekki leyft notkun hormóna en þeir hafa valdið talsverðum skaða víða í heiminum. Þarna má sjá fyrir sér tækifæri sem nýta mætti enn betur með aukinni framleiðslu án þess að landinu sé ógnað. Þá er það einnig mikilvægt að þeir ferðamenn sem til eyjunnar koma, fái ljúffengan og hollan,  sælkeramat, sem mun gera þeim heimsóknina enn eftirminnilegri.

Það eru mikil verðmæti sem felast því í því að landið verði sjálfbært við framleiðslu matvæla og er landbúnaðurinn aðeins viðbót við þau miklu verðmæti sem hafið veitir fólkinu. Auk þess er nú svo komið að bændur, rétt einsog sjómenn, vinna að matvæalaframleiðslunni á sjálfbæran hátt í sátt við umhverfið, náttúruna og dýrin. 

En það eru órjúfanleg tengsl á milli þeirra sem stundað hafa sjóinn og þeirra sem rækta landið og þannig hefur það verið frá örófi alda. Má til gamans geta þess að talið er víst að fyrsta trillan hafi verið keypt fyrir fé, það er að segja sauðfé. Þannig varð til hugsunin um fjármuni, fé,lausafé, sparifé osfrv. Þetta var gjaldmiðill þeirra tíma og þar stóðu ákveðin, áþreifanleg  verðmæti að baki.

Það er líka afar mikilvægt við áframhaldandi uppbyggingu fyrirtækisins, Íslands hf., að gæta þess að það spili saman búseta í dreifbýli og búseta í sjávarþorpum. Þanning verði starfsfólkinu sem velur sér þessi störf tryggð bærileg lífsskilyrði um þjónustu og að unnt verði að koma afurðum á ákvarðanastaði með sem bestum hætti og hagkvæmustum. Þetta er sérlega mikilvægt með fersk matvæli  hafa takmarkað geymsluþol. Það er því mjög áríðandi að fólkið sé líka sem næst þeim svæðum þaðan sem afurðirnar eru sóttar af sjó og landi.

Næst er það orka Íslands hf en það var einmitt fjallað um hana í gærkvöld á NBC sjónvarpsstöðinni