Norrænir Matar Sendiherrar

 

Undiritaður ásamt Sigga Hall erum í hópi tólf Norrænna Ambassadora hins nýja Norræna matar, Ny Nordisk Mad. Í því sambandi hafa Norrænu sendiráðin í Washington  og Norræni Nýsköpunarsjóðurinn nú verið að skoða hugmynd um samnorræna kynningu á Norðurlöndunum í Washington höfuðborg  Bandaríkjanna á næsta ári. Hefur verið byggt á hugmynd sem undirritaður kynnti á 250 manna ráðstefnu í Kaupmannahafnarháskóla síðast liðið haust. Öll Sendiráðin í Washington hafa sýnt mikinn áhuga fyrir aðkomu að þessu verkefni. Ef af verður þá geta íslendingar notið góðs af samstarfi þessara vinþjóða okkar um leið og við getum ýmislegt gott látið af okkur leiða.

 

Hér er verið að tala um kynningu á afurðum landanna sem og menningu, sögu og ferðamöguleikum til Norðurlandanna. Ef vel tekst til með þessa markaðsaðferð þá mun reynslan koma sér vel við samskonar kynningar í öðrum borgum í Evrópu og Bandaríkjunum. Eitt er víst að með svona samvinnu sparast umtalsverðir fjármunir um leið og athygli almennings og fjölmiðla verður meiri því umfangið er víðtækara en ef hver þjóð stendur ein og sér.

 

Ísland hefur vakið verðskuldaða athygli fyrir framgöngu á sviði kynninga á íslenskum sælkeramatvælum og á auk þess mikil og góð samskipti við fín veitingahús einkum í  New York, Boston og Washington vegna Food and Fun hátíðarinnar. Fundir með frændþjóðunum hafa verið sérlega uppbyggjandi og skemmtilegir og margt gott sem má af þeim læra og nýta okkur til framdráttar.

 

Fjöldi annara hugmynda, til að vekja athygli á landi og þjóð,  eru nú í farvatninu og sambönd þau sem ég hef skapað hér í tengslum við mín störf eru mjög góð og traust.  Öll þessi vinna, sambönd, trúverðugleiki og hugmyndir eru verðmætin sem ég tel felast í Áformi og eru öllum opin sem vilja.

 

Food and Fun markaðsverkfæri

 

Varðandi önnur verkefni sem Áform hefur staðið fyrir en þau sem áður hafa verið nefnd eru margþætt og gefa enn frekari tækifæri til að nýta betur til dæmis matarhátíðin Food and Fun. Hátíðin hefur nú verið haldin í tæpan áratug, fagnar 10 ára afmæli á næsta ári og er afar hentugt markaðsverkfæri sem má nýta enn betur en gert hefur verið.  Er til dæmis með hugmynd um að gera heilan mánuð td. febrúar  utan hins hefðbundna ferðamanna tíma að mánuði matarins og virkja jafnt sveitir landsins og þéttbýli til þátttöku. Þetta er metnaðarfullt verkefni en gæti stutt viðleitni manna til að lengja fermannatímabilið umtalsvert. Hugmyndirnar eru nú til skoðunar.

 

Þá mun Food and Fun nýtast vel í þeim áætlunum um að koma afurðum okkar inní sælkera veitingahús um Bandaríkin. Þar munu þau sambönd, við um 150 matreiðslumeistara og eigendur veitingahúsa koma sér vel og vera kærkomin viðbót við þá sölu sem þegar er komin af stað. Þá hafa öll þessi veitingahús boðist til að efna til Íslandsdaga í húsunum þegar við viljum og getum nýtt þessi boð.

 

Næstkomandi miðvikudag 17 nóvember hefur verið ákveðið í  samráði við Sendiherra Íslands í borginni að bjóða til móttöku  í Sendiherrabústaðinn í tilefni 10 ára afmælis Food and Fun. Tilgangurinn er að þakka öllu því góða fólki sem hefur stutt verkefni þau sem við höfum unnið hér. Þar má meðal annars nefna samtök veitingahúsa, ferðamálayfirvöld borgarinnar, kaupmenn frá verslunum Whole Foods, fólk úr stjórnsýslunni og síðast en ekki síst fjölmiðlafólki.

 

Þeir matreiðslumeistarar sem komið hafa heim á Food and Fun hátíðina héðan eru 12 talsins auk fjölmiðlafólks og velunnara.. Þeir munu hver um sig koma með matarbakka frá sínum veitingahúsum, sem eru meðal .þeirra vinsælustu í borginni. Þannig mun boðið verða bæði fjölbreytt og  glæsilegt og gefa innsýn inní hátíðarstemmninguna sem Food and Fun gengur út á. Þá mun gefast tækifæri fyrir fjölmiðlamenn að taka myndir af þessum glæsilega hópi matreiðlsumeistara borgarinnar við Food and Fun hlaðborðið.

 

Þar sem þakkargjörðarhátíðin er svo í vikunni þar á eftir munum við þakka öllu þessu góða fólki fyrir þeirra framlag við að styrkja okkar viðskiptasambönd og tækifæri sem hér hafa áunnist. Það gerum við með auðmýkt og virðingu og reynum að sýna það í verki með þessari móttöku sem Sendiherrahjónin hafa verið svo vinsamleg að hjálpa okkur við að framkvæma á sómasamlegan hátt.

 

Ein leið til að kynna Ísland

Svokallað “event marketing” er farsæl leið til að koma afurðum og þjónustu á markað. Það er mun meiri vinna sem felst í því að nýta þessa aðferð sem Áform hefur talsverða reynslu af. Með því móti má vekja athygli fjölmiðla á því sem gert er og ná beinu sambandi við viðskiptavini. Þannig skapast traust á milli aðila og allir hafa gaman af því að fræðast um land og þjóð. Það hefur því ávallt verið haft að leiðarljósi að kynna fyrir áhugasömu fólki  náttúru, menningu og sögu landsins ásamt afurðum þess. Auk þess er þessi aðferð miklum mun ódýrari þegar upp er staðið.

 

Fjölmiðlaflóran er orðin svo breytt og einsog Forseti Bandaríkjanna sagði frá í viðtali við 60 Mínútur sl sunnudag, þá eru ekki mörg ár síðan að ekki þurfti Forsetinn nema að tala við fréttastöðvar þriggja  sjónvarpsstöðva í Bandríkjunum til að ná til þjóðarinna. Sama var uppi á teningum þegar ég vann á Mogganum á sínum tíma. Ein góð auglýsing í Mogga náði til allrar þjóðarinnar á augabragði. Í þessari breyttu og fjölbreyttu flóru felast aftur á móti fjölmörg tækifæri sem menn þurfa að vera vakandi yfir.

 

Þessum aðferðum hefur verið beitt með því að efna til Íslandsdaga í verslunum Whole Foods því þangað koma efnaðir vel menntaðir viðskiptavinir sem ferðast mikið og eru fróðleiksfúsir. Þá hef ég staðið fyrir atburðum í New York, Boston og Washington undir merkjum Íslands  með afburðagóðum árangri. Þetta byggist líka á því fá íslendinga sjálfa til starfa því allir Ameríkanar hafa áhuga fyrir okkur enda ekki margir íslendingar sem þeir hitta öllu jafna. Við erum upp til hópa skemmtilegt fólk sem talar með fallegum hreim og höfum ástríðu fyrir landinu okkar og erum stolt af því. Það skiptir sköpum. Auk þess eru listamenn okkar aufúsugestir í menningarheiminum hér sem annarsstaðar.

 

Íslendingar hafa almennt á sér gott orð og eru fjölfróðir um heimsins málefni og höfum almennt átt vinsamleg samskipti við  Bandaríkjamenn. Á því er ekki nokkur vafi það hef ég sjálfur fundið enda eignast marga trausta vini hér  sem bókstaflega vilja allt fyrir okkur gera.

  

Þá hef ég oft bent á það að í öllum helstu tímaritum sem fjalla um matvæli er miklu plássi varið í umfjöllun um ferðamál og öfugt þegar komið er að tímaritum sem fjalla um ferðamál þar skiptir umræða um mat miklu. Af fenginni reynslu af þeim fjölmiðlamönnum sem ég hef kynnst í gegnum þetta starf er mjög algengt að nánast allir blaðamenn sem fjalla um ferðir eru matargæðingar. Enda ferðast enginn án þess að njóta góðs matar í þeim löndum sem fólk heimsækir. Sambönd Áforms við fjölmiðlafólk hefur aukist með árunum  og er það net nokkuð gott og hefur reynst afar vel, jafnt um matvæli sem ferðamöguleika.

 

Áform hefur ávallt lagt mikla áherslu á menningu og sögu þjóðarinnar enda gengur markaðsstarfið mest út á að segja fólki sannar góðar sögur frá Íslandi. Það er leið sem er erfiðari og að mörgu leiti tímafrek en skilar langtíma árangri og kostar miklu  minna en hefðbundnar auglýsingar í fjölmiðlum. Þessa aðferð hefur Áform tileinkað sér og lært heilmikið af verslunum Whole Foods Markets sem eru vaflausa virtustu matvöruverslanir í Bandaríkjunum og verja sáralitlum peningum í beinar auglýsingar. Nýta sér þá stöðu að tala  beint við viðskiptavinina sína sem heimsækja búðirnar.

 

Nýjar afurðir sem teljast eiga möguleika

 

Það eru á borðinu hjá Áformi nokkur verkefni sem óskað hefur verið eftir  aðstoð við að kanna markaðsmöguleika á hér í Bandaríkjunum.. Þetta eru snyrtivörufyrirtæki sem framleiða græðandi krem, nudd olíurog fæðubótarefni úr íslenskum jurtum.

 

Eitt lítið fyrirtæki í Grindavík sem hefur þróað mjög skemmtilega afurð ú þara og þörungum. Afurð sem aðdáendur hráfæðis þekkja vel og kunna að meta. Þá er þetta líka afurð sem notuð er við framleiðslu Sushi rétta, notað í snyrtivörur, hársjampó ofl. Hef því miður ekki getað fylgt því eftir vegna tímaskorts en er búinn að fá aðila í Los Angeles til að skoða málið sem "pilot project". Þá eru matreiðlsumeistarar í New York einnig að skoða þarann.

 

Á drykkjarvörumarkaðunum er gríðarleg samkeppni og því nauðsynlegt að draga fram sérstöðu okkar. Er nú að skoða ýmsa þætti sem gætu stutt við íslenska drykki á forsendum sem aðirir eiga ekki.

  

Samvinna við önnur fyrirtæki hefur ávallt verið með miklum ágætum. Icelandair og Áform hafa oft unnið saman að markaðsmálum og tel ég að við göngum  í takt í þeirri hugmyndafræði að matur, náttúra, menning og ferðaþjónusta eigi augljóslega sameiginleg tækifæri til að koma landinu á framfæri á óhefðbundinn hátt. Maturinn er jú það eina sem ALLIR ferðamenn þurfa hvaðan sem þeir koma. Að tengja þannig saman náttúruna sem augnakonfekt þá ér hún líka forsenda frábærra matvæla hvort sem er af landi eða legi.

 

Með því að kynna sérstöðu landsin, gróðufar, stutt gróðurtímabil, legu landsins, yfirgripsmikla þekkingu á sambúð manns og náttúru gefur okkur þá sérstöðu sem þarf til að afurðir okkar vekji athygli kaupenda. Semsagt að afurðirnar falli undir að vera framleiddar á sjálfbæran hátt, séu vottaðar af hlutlausum aðila og tryggja stöðuleika, traust og vandvirkni.

 

Ég reyni því að vera aðilum innan handar og hjálpa öllum þeim sem til mín leita. Finnst það líka skipta verulega miklu máli að fólk fari ekki of geyst af stað með nýjar hugmyndir án þess að kanna sölumöguleika eiins flót í framleiðsluferlinu og unnt er. Mér finnst stundum skorta í hinni mikilvægu nýsköpun sem fram fer í landinu þáttur markaðarins. Án sölumöguleika næst enginn árangur, það er nú ekki flóknara en það.

 

Ferskur eldis- og línufiskur beint til neytenda

 

Áform stóð fyrir almennri kynningu um öll Bandaríkin  í samvinnu við Whole Foods Markets og samtök bleikjueldisframleiðenda í byrjun árs 2009. Var bleikjan vel kynnt í öllum verslunum WFM og vakti mikla athygli og hafði veruleg áhrif um almenna sölu á bleikju einnig til veitingahúsa. Átakið fór þannig fram að allar verslanir WFM voru skreyttar með myndum frá Íslandi, sagan sögð á heimasíðu fyrirtækisins rétt einsog núna er gert með lambakjötið.

 

 Kaupmenn fengu fyrirlestur um fiskinn og voru allar bleikjueldisstöðvar á landinu vottaðar samkvæmt stöðlum búðanna af þriðja aðila, vottunarstofu frá Sviss. Allar stöðvarnar fengu hæstu  einkunn og þær fyrstu sem náðu þeim áfanga. Þetta voru góð tíðindi.

 

Hugmyndin sem unnið hefur verið útfrá er að bleikja sé valkostur við laxinn sem er sem stendur í talsverðu uppnámi vegna erfiðleika lax eldisins í Chile. Nú er verið að skoða fóður sem notað er í eldið og má vænta niðurstöðu í því innan tíðar. Salan á bleikjunni til WFM hefur verið mjög góð og hafa fulltrúar eldisstöðva  og Icelandic Group  líst opinberlega yfir því að verkefni Áforms  hafi skipt sköpum og átt mikinn þátt í því að auka verulega eftirspurn  á eldisbleikju í Bandaríkjunum. Framleiðsla á bleikju á þessu ári verður um 2.000 tonn og af því fara 70 % eða 1400 tonn  inná Bandaríkjamarkað.

 

Nú er unnið kappsamlega að því að koma ferskum línufiski, upprunavottuðum frá sjómanni og sjávarþorpi á Íslandi. Stefnt er að svipuðu átaki og gert var með bleikjuna á sínum tíma. Yfirmenn sjávardeilda fyrirtækisins komu til Íslands í lok  ágúst s+iðast liðinn. Farið var með þá í heimsókn í fiskverkunarstöðvar, út á sjó með línubát frá Suðureyri og allt ferlið skoðað. Það er vaxandi umræða í gangi um allan heim um hinar sjálfbæru veiðar, útrýmingarhættu stofna osfrv. WFM hefur trú á okkar fiskveiðistjórnunarkerfi og út frá því er unnið. Nú er hafin sala á ferskum fiski frá Icelandic / Fiskval á þremur svæðum ( 90 búðum) . Stefnt er að því að komast inná  öll svæði á næstu vikum og  mánuðum.

  

Þess má  geta að enginn markaður var til staðar fyrir landbúnaðarafurðir á þessum markaði áður en átaksverkefni Áforms hófst, né heldur fyrir bleikju á neytendamarkaði í verslunum. Tilraunir í þá átt að selja meira af fiski beint á neytendamarkaði eru nauðsynlegar að mínu mati  og ég tel að með því að selja sem mest af okkar afurðum á íslenskum forsendum með uppruna til hinnar fögru náttúru Íslands sem getur af sér hollan sælkeramat sé tækifæri sem nýta má enn betur.

 

Þannig skuli stefnt að því að skapa sérstöðu um okkar afurðir með það að markmiði að auka verðmætin og skapa aukna fullvinnslu afurða á Íslandi. Áfram verður haldið á þeirri braut ef nægur stuðningur fæst og samstaða um þetta metnaðarfulla markmið.

 

Íslenska súkkulaðið

 

Súkkulaðið frá Nóa /Siríus sem selt er í Whole Foods er gamla góða suðusúkkulaðið. Fyrst seldum við einungis hið hefðbundna súkkulaði í gömlu góðu pakkningunni sem hönnuð var árið 1923. Þetta vakti athygli en hilluplássið var takmarkað. Því var ákveðið að fjölga tegundum og framleiðir  Nói nú fjórar bragðtegundir, 33%, 45%, 56% og 70% kakó og fengum við því fjórum sinnum meira hillupláss.

 

Þá er  verið að þróa tilraunir með páskaegg frá Nóa og hefur sú þróun gengið framar vonum. Nú eru fáanleg páskaegg úr dökku súkkulaði og  er alveg ljóst að unnt er að gera enn betur. Þá höfum verið að skoða möguleika og reyndar gert tilraun á jólakonfekti og pakkningum sem hafa skírskotun til Íslands, lands jólasveinanna. Þetta er spennandi þróunarverkefni sem stutt er af WFM en skortur á tíma og fjármunum hefur verið ákveðinn flöskuháls enn sem komið er en tækifærið er til staðar.

 

Nú hefur verið ákveðið að hefja sölu á súkkulaðinu í öllum verslunum Whole Foods í byrjun næsta árs um leið og sala og kynning á skyri og smjöri fer fram. Mjög spennandi verkefni og undirbúningur markaðsátaksins hefst á morgun 9 nóvember. Þá verður safnað saman efni um Ísland, menningu og sögu og okkar matreiðlsuaðferðir sem eru búðunumk þóknalegar. Það verður því í nógu að snúast næstu vikurnar.

Sleggjudómar

Veit satt að segja ekki hvað maður á að segja við svona ummælum. Það litla sem ég sé í þessum pistli er mjög undarlegt. Hef ekki lesið þessa bók né hlustað á þennan mann. Get hinsvegar sagt það hér og nú að ég hef sjálfur fengið tækifæri til að fylgjast náið með umfjöllun erlendra fjölmiðla um Ísland frá því fyrir hrun. Ég hef ekki séð í neinum greinum að íslendingar séu fyrirlitnir. Þvert á móti hafa að minnsta kosti þeir sem ég hef rætt við og verið í sambandi við á liðnum árum, nokkrir tugir ef ekki hundruðir manna og kvenna, hafa sýnt okkur samúð.  Sumir meira að segja  gengið svo langt að hreinlega biðjast afsökunar á því hvernig rotið, spillt og siðlaust fjármálakerfi einkum í Bandaríkjunum kom öllum heiminum á hvolf.

Auðvitað voru mál sem við hefðum átt að varast meira en við gerðum en heildar orsökin var gerspilltur fjármálaheimur. Heimur sem fékk tækifæri til að athafna sig án of mikilla hafta og menn hreinlega treystu því að það væri um að gera að gefa fólkinu frelsi, en það gleymdist að hafa eftirlit með því. Það var miklu fremur að menn gerðu einfaldlega ráð fyrir að þær orfáu hræður sem ollu þessum gríðarlegu búsifjum hefði lágmarks siðgæðisvitund. Gleymdu grægiseðli mannsskeppnunnar og málshættinum sígilda að " margur verði af aurum api".

Að halda því fram að ímynd Íslands sem þjóðar eða lands gjöfulla náttúruauðlinda er of djúpt í árina tekið. Ég hef til dæmis haft nokkur samskipti við Argentínumenn starfs míns vegna. Sú þjóð hefur líklega farið í gegnum meiri fjárhagslegar þrengingar en þekkst hafa á byggðu bóli í hinum siðmenntaða heimi. Veit ekki til þess að það hafi komið þeim í koll. Enn heimsækja ferðamenn Argentínu, kaupa af þeim vín og landbúnaðarafurðir og dansa tangó. Öllum finnast Argentínubúar hið besta fólk  og lífsglatt.

 Ímynd er aðeins það sem þjóðir, fyrirtæki og einstaklingar ávinna sér. Ímynd verður aldrei keypt, jafnvel þó svo að heilu stéttirnar gefi sig út fyrir að vera ímyndarsérfræðingar. Ein undarlegasta stétt sem til er. Ég tók eftir því í Hollywood þegar ég fór þangað í fyrsta sinn fyrir nokkrum árum að mjög margir sem þar búa eru sífellt að reyna að vera eitthvað annað en það sem þeir eru,  samkvæmt tilmælum ímyndasérfræðinga. Mér finnst að maður eigi fullt í fangi með að vera maður sjálfur, hvað þá að vera reyna að vera eitthvað annað!

 Ég er ansi hræddur um að fjölgun ferðamanna til Íslands á síðasta sumri héðan frá Ameríku sem nam um allt að 26% í júlí án sérstaks kynningarátaks hefið varla orðið ef þetta er rétt sem prófessorinn segir í þessari bók sinni. Ég er líka hræddur um að orðspor okkar hefði þá líka leitt til þess að Ameríkanar hundsuðu ekki bara ferðir til landsins fagra heldur sniðgengju einnig afurðir okkar en það er nú öðru nær.

Skal standa við við það hvar og hvenær sem er og sanna verði þess óskað að ímynd Íslands eða íslendinga sé ekki í molum! Þar fór prófessorinn yfir strikið.

Ímynd Íslands í molum

Lambakjötssala 2010

 

Lambakjötsalan hefur aukist umtalsvert á þessu ári. Sölutímabilið er nú lengra en nokkru sinni fyrr en það hófst í lok ágúst og mun að öllum líkindum standa yfir fram í loka nóvember mánaðar. Allt kjötið er fullunnið og  því verðmætasköpun veruleg miðað við aðra markaði. Almenn ánægja er meðal kaupenda og hafa flutningar með Icelandair Cargo gengið vel. Engin sending hefur verið stöðvuð í tolli og engin sérstök skoðun farið fram. Okkur hefur því tekist með þolinmæði að ná stöðugleika í flutningunum og það er einnig í fyrsta sinn sem það hefur gerst frá því að útflutningur á kjötinu hófst.

 

 Framkvæmdastjóri Sláturhússins á Hvammstanga sem er framleiðandinn, kom  hingað til Washington á fund með kjötkaupmönnum Whole Foods Markets sl. sumar. Hann var viðstaddur opnun nýrrar verslunar WFM og hitti á þremur dögum alla þá aðila sem skipta máli í kjötdeildunum. Hann lærði mikið og fann ýmsar leiðir til að auka arðsemi af  framleiðslunni.

 

Þetta var farsæl ferð og gagnkvæmur skilningur á milli aðila náðist. Þetta hefur leitt til þess að nú í haust hefur salan gengið afar vel, Flutningar gengið snurðulaust fyrir sig, sölutímabilið verður nú lengra en áður og almenn gagnkvæm ánægja ríkir milli manna. Á þessum grunni verður nú byggt.

 

Samkvæmt útflutningstölum Hagstofunnar fæst fjórum til fimmsinnum hærra verð fyrir kjöt á þennan markað en aðra útflutningsmarkaði. Magnið hefur aukist hægt, en bítandi. Vandinn er einkum sá að WFM vilja einungis selja kjöt í sláturtíð sem er frá lokum ágústmánaðar og nær til byrjun nóvember mánaðar. Á þessum tíma er því mikilvægt að setja mikinn kraft í kynningarmálin og höfum við gert það nú meir af vilja en mætti og kynnt aðrar afurðir og ferðaþjónustu í 25 búðum viða um landið. Því átaki líkur um miðjan nóvember. Þar kynnir Siggi Hall,  auk kjötsins sem steikt er uppúr íslensku smjöri inni í búðum, boðið viðskiptavinum  að smakka  hið margrómaða skyr og súkkulaði samtímis.

 

Allar búðir sem selja nú kjöt eru skreyttar með glæsilegu kynningarefni um Ísland og afurðir þess. Þá er Icelandair merkið inná öllu kynningarefni og bæklingum sem er gott því þetta er einsog áður hefur verið getið vænlegur hópur viðskiptavina. Ísland er eina landið sem fengið hefur tækifæri að þessu tagi inni í verslunum WFM. Ekkert flugfélag hefur heldur fengið tækifæri til að kynna starfsemi sína í búðunum áður. Í þessu felast verðmæti sem sannarlega eru þess virði til að nýta vel og með samstilltu átaki allra aðila sem hafa það hlutverk að kynna land og þjóð mætti nýta enn betur.

 

Það er því fyrir lambakjötið sem Whole Foods Markets kynntust íslenskum matvælum og hafa aukið vöruúrvalið talsvert á síðustu árum og eiga enn eftir að bæta við. Lambið ruddi brautina og á enn eftir að aukast með tíð og tíma. Aðalatriðið er að selja afurðina á grundvelli gæða, stöðugleika og á sanngjörnu verði sem er það verð sem bændur þurfa og eiga skilið að fá fyrir afurðina.

 

Lambakjöt er yfirleitt nokkuð dýrt á erlendum mörkuðum og flokkast ekki, nema á Íslandi, sem hin hefbundna kjötafurð. Langstærstu framleiðendur á kjötinu eru Ný Sjálendingar og Ástralir. Held að Ný Sjálendingar framleiði á einum morgni á virkum degi jafnmikið af lambakjöti og öll framleiðsla okkar íslendinga á ársgrundvelli.

 

Lambakjöt er lílega eina kjötið sem ekki er unnt að framleiða í svokölluðum forsendum verksmiðjibúskapar. Kindurnar þurfa að hafa svigrúm og geta athafnað sig úti í náttúrunni. Þessvegna nýtur lambakjöt almennt mikillar virðingar meðal sælkera og þeirra sem kunna að meta sérstöðu kjötsins. En sauðfé er misjafnt eftir löndum og byggist það í fyrsta lagi á mismunandi stofnum, fóðrun og aðstæðum sem dýrin alast upp við. Þar hefur íslenska lambið talsverða sérstöðu því kindurnar eru af stofni sem hvergi fyrirfinnst í veröldinni. Öll lömb fæðast á vorin og slátrað á haustin og eru skrokkarnir yngri og fituminni en annarsstaðar. Þá hefur sannast að óvenju hátt omega 3 fitusýrur  finnst í kjötinu.

 

Þetta gerir meðal annars okkar kjöt öðruvísi en annað lambakjöt og sumum finnst það betra fyrir bragðið. Margir virtir matreiðslumeistarar víða um heim hafa látið hafa það eftir sér að þeim finnist íslenska lambið það besta í veröldinni og í kynningarefni WFM sem nú liggur frammi í búðunum halda þeir því fram að okkar kjöt sé bragðbesta lambakjöt í heimi eða " Simply the best tasting lamb in the World!" ! Jafngilir í mínum huga að fá gullverðlaun á Ólympíuleikum.

 

Þeir sem aftur á móti eru aldir upp við kjöt af stærri skrokkum af öðrum stofnum  finnst sterkt villibráðabragð betra en hið milda bragð af okkar kjöti. Svona einsog er með okkur öll, ég er margbúinn að reyna að borða kæsta skötu en finnst hún einhver versti matur sem ég hef sett inn fyrir mínar varir en skil alveg og met við vini mína sem aldir eru upp við þennan hryllilega bragðvonda mat að þeim finnist hún góð!

Sjálfsagðar upplýsingar

Að gefnu tilefni og vegna þess að verkefni það sem ég, fyrir hönd Áforms markaðsverkefnis, kemur til umræðu reglulega þá vil ég gera grein fyrir stöðu mála hér á þessum vettvangi þar sem allir, sem vilja kynna sér verkefnið, geti haft aðgang að sjálfsögðum upplýsingum vegna minna starfa.

 

Mun auk þess leitast við að svara spurningum sem kunna að vakna verði þess óskað. Þetta er liður í því, sem ég hef trú á og lít á sem sjálfsagðan hlut að upplýsa fólk og vonandi fræða og leiðbeina sé mér það unnt.

 

Miðað við fyrstu 9 mánuði þessa árs bendir allt til þess að heildar verðmæti afurða sem seldar eru undir merkjum Sustainable Iceland  nemi tæplega $ 6.000.000 eða ísl kr. 660.000.000. á þessu ári. Þetta miðast við sölu fyrstu10 mánuði ársins og má því sjá fyrir að heildarsala beint tengt verkefni Áforms muni aukast um allt að 70- 80% á næsta ári.

 

Skiptir sköpum fyrir lítil og meðalstór fyrirtæki og viðheldur atvinnu. Ég er auk þess sannfærður um það núna eftir að fyrir liggur að eftirspurn eftir okkar afurðum er nú sannarlega til staðar þrátt fyir allt það mótlæti og vantrú sem tilraunin fór í gegnum í upphafi. Nú hefur gælan við markaðinn hér í bandaríkjunum orðið að gæfuríkum árangri sem einungis getur orðið öflugri með samvinnu og samstöðu allra aðila sem láta sig málefni Íslands sig varða.

 

Þetta eru samtals verðmæti af mjólkurafurðum, fiski, kjöti og súkkulaði. Fjöldi verslana Whole Foods Markets sem selja afurðir okkar eru tæplega 200 en nú hefur verið ákveðið að í byrjun næsta árs fari allar afurðir okkar í allar verslanir þeirra um landið allt sem eru rúmlega 300 talsins.

 

Við þessa ánægjulegu ákvörðun munum við njóta þess að vera í flokki þeirra afurða sem fást um landið allt. Við það fáum við í upphafi mikla kynningu á þessum áfanga. Þar verður landið sjálft gæði þess, lega og menning kynnt fyrir viðskiptavinum búðanna sem og afurðirnar sem unnar eru úr hinni hreinu náttúruparadís landsins fagra.

 

Auk þess er vaxandi áhugi fyrir ostum og smjöri og er unnið að því að kanna hvaða ostar myndu helst henta til útflutnings. Smjör í neytendapakkningum er sífellt að sækja á og þarf að kynna það enn betur en nást hefur að gera. Helstu samkeppnisaðilar okkar eru Írar og Danir.

 

Verð á þessum afurðum er hátt og framleiðendur geta vel við unað að því ég best veit. Erfitt er að spá fyrir um framhaldið en bara við fjölgun verslana má reikna með 60% söluaukningu og svo þarf líka að setja aukinn kraft i markaðssetninguna sem hefur verið sáralítil síðustu 2 ár vegna fjárskorts.

 

Sölunni hefur því einkum verið stjórnað af handafli og yfirlegu en ekki beinum markaðsaðgerðum fyrr en núna þessa dagana með kynningum í búðum í 5 vikur. Það hefur strax áhrif og svo vonast ég til, að þegar við komumst í allar búðirnar að markaðsátakið muni  með sama hætti og nú er gert með kjöt og við gerðum í fyrra með bleikju leiða til aukinnar sölu og vitund viðskiptavina á gæðum okkar afurða.

 

Framleiðendur eiga því talsvert mikið inni á þessum markaði og má skoða ýmiss tækifæri fyrir aðrar afurðir og kynningarmál í tengslum við þessar aðgerðir sem fram fara á næstu mánuðum. Einni hugmynd hefur verið varpað fram  en það er að setja fallega auglýsingu á allar afurðir okkar með tilvísun til öflugrar íslenskrar heimasíðu  þar sem fólk er hvatt til að heimsækja síðuna og skoða hvað landið hefur uppá að bjóða í ferðum og afurðum. Sögu landsins og menningu.

 

Þetta gæti virkað vel fyrir alla aðila einkum í ferðageiranum. Í dag eru td seldar um 20.000 dósir af skyri á viku sem auðvitað er stefnt að fjölgi á næstu misserum verulega. Fólkið sem kaupir eru líka vænlegir viðskiptavinir  sem kunna að meta gæði , eru almennt efnafólk og ferðast.

 

Þess ber að geta að í fyrstu var talsvert um að tollyfirvöld í Bandaríkjunum tóku skyrið til skoðunar og tafði það allan framgang verkefnisins. Nú hefur tekist að halda stöðugleika, ná góðu sambandi við yfirvöld og tryggja flutninga um landið allt án teljandi vandræða. Nú fer skyrið í svokallað “random” skoðun sem gerist kannski bara einusinni á  nokkurra mánað fresti i stað vikulega einsog var í upphafi. Engin skoðun hefur farið fram síðustu 10 mánuði sem veit á gott.

 

Unnið er að því nú að fá sérstakan kvóta fyrir skyrið og mun það lækka tolla, einnig njótum við góðs af osta og smjör kvóta sem WFM hafa gefið íslenskum framleiðendum. Það hjálpar.

 

Athyglisvert hefur verið að fylgjast með ásókn Evrópusambandsríkja á Bandaríkjamarkað um þessar mundir. Það hefur aldrei áður verið jafnmikil ásókn og nú. Enda er það lykilatriði fyrir allar þjóðir að auka viðskipti sem víðast og dreifa þannig áhættunni. Ef það verður ákvörðun okkar þjóðar að ganga til liðs við Evrópusambandið þá þarf, rétt einsog aðrar þjóðir sambandsins gera, að efla viðskipti við önnur lönd til austur sem til vesturs.

Þetta er ekki hægt

Það er stundum alveg ótrúlegt að sjá hvernig græðgin ber metnaðinn ofurliði. Það endar svo ALLTAF með ósköpum. Íslenskur saltfiksur er ein merkilegasta afurð okkar sem sannarlega nýtur mikillar virðingar sem Bacalao Islandia og er ein af fáum afurðum sem nýtir nafn Íslands sér til framdráttar. Í Guðsbænum ekki rústa því merka starfi sem unnið hefur verið með lélegum eftirlíkingum!

Hættulegt fyrir orðspor okkar